Le Mixtion Fuse Como un Processo Central del Grammatica (c) Gilles Fauconnier e Mark Turner Le spatios mental es parve pachettos conceptual constructe como nos pensa e parla pro le objecto del intendimento e le parola local. Illos es interconnecte, e pote esser modificate durante que le pensata e le discurso se disveloppa. Fauconnier e Turner ha recentemente proponite le existentia de un general processo cognitive-- le mixtion fuse conceptual--que opera super spatios mental como entratas. In le mixtion fuse, le structura de duo spatios entratas es projecte a un spatio separate, le mixtura fuse o integrate. Le mixtura heredita le structura partial del spatios de entrata, e ha su proprie structura emergente. Como un exemplo del mixtion fuse, considera un philosopho contemporanee qui dice, durante que ille conduce un seminario, Io pretende que le ration es un capacitate autodisveloppante. Kant non se accorda con me super iste puncto. Ille dice, illo es innate, mais io responde que aquello face un petition del question, a que ille contra, in le _Critic de Ration Pur_, que solmente ideas innate ha poter. Mais io dice a aquello, que dice tu con respecto al selection de gruppos neuronal? In un spatio mental de entrata, nos ha le philosopho moderne qui face pretensiones. In un separate mais affin spatio mental de entrata, nos ha Kant, qui pensa e scribe. In ni le un ni le altere spatio ha il un debatto. Iste duo spatios prende parte in un structura inquadrante: il ha un pensator, qui ha pretensiones e meditationes, un modo de expression, un particular lingua, etc.. Iste structura inquadrante in commun constitue un tertie spatio, un spatio generic, que se connecte a ambe spatio de entrata. Il ha un quarte spatio, que ha ambe le philosopho moderne (del prime spatio de entrata) e Kant (del secunde spatio de entrata). Le mixtura additionalmente recruta le quadro de debatto, que face inquadrar Kant e le philosopho moderne como participantes in un debatto simultanee, mutualmente conscie del un le altere, usante un sol lingua pro tractar un topico recognoscite. Le quadro de debatto emerge facilemente in le mixtura, per le completion de patrono, proque tante de su structura jam es in placia in le duo entratas. Al establimento del mixtura, nos pote operar cognitivemente in aquelle spatio, que nos permitte de manipular le varie evenimentos como un unitate integrate. Le quadro de debatto porta con illo expressiones conventional pro nostre uso. Nos sape le connexion del mixtura al spatios de entrata, e le maniera in que le structura o inferentias disveloppate in le mixtura inquadrante se traduce retro al spatios de entrata. Nos opera super tote le quatro spatios simultaneemente, mais le mixtura da nos structura, integration, e efficientia non disponibile in le altere spatios. pensator pretensiones meditationes modo de expression lingua de parlar thema objecto o scopo tempore ENTRATA 1 ENTRATA 2 GENERIC Kant [K1] io [io1] pretensiones pretensiones meditationes meditationes scriber parlar germano anglese le ration processos cognitive le cerca pro veritate le cerca pro le veritate 1784 1995 Kant [K2] morte non conscie de me io non conscie de Kant Kant io questiones e responsas parlar anglese (parlar in le mesme lingua) cognition cerca pro le veritate tempore simultanee io e Kant vive io conscie de Kant Kant conscie de me LE QUADRO DE DEBATTO actiones theoretic LE MIXTURA accordar, retortar, reinfortiar, defiar anticipar, concurrer, questiones e responsas connectivos de argumentation affirmation e negation mais, nonobstante, assi, ergo, al contrario, exactemente, ver, si, non, si e non,... Le "debatto con Kant" ha characteristicas del mixtion conceptual: --Le mixtion exploita e disveloppa connectiones correspondente inter le entratas. Qualcunque duo correspondentes pote o non pote esser fuse in le mixtura. Per exemplo, in le debatto con Kant (le mixtura) alcun correspondentes structural es fuse (le themas, le linguas usate, modos de expression) durante que alcunos non es (le duo philosophos). Il non es necesse que elementos fuse sia correspondentes como face indiciar los le spatio generic: Kant [K1] in entrata 1 e Kant [K2] in entrata2 es multo differente (K2, per exemplo ha un fama international desde duo seculos e es le paragon de philosophos rational); mais K1 e K2 es fuse in le mixtura. --Le mixtion conceptual ha multe effectos. Illos include le integration conceptual de affin evenimentos a in un evenimento complexe (p.e. un debatto), le uso e evolution in le mixtura de quadros non obligatori (o in multe casos, non mesmo conventional) pro su entratas (le quadro del debatto non es requirite pro le entratas); e le disveloppamento de nove structura conceptual (p. e. in le mixtura del debatto, le tempore del debatto es un specie multo inusual de tempore, ni le tempore del entratas ni un fusion de illos, mais un special tempore 'transcendente'-- il esserea multo extranee a dicer, "Duo annos retro, Kant non se accordava con me, quando io opinava que le ration esseva un capacitate autodisveloppante". --Spatios miscite es sitos pro le labor cognitive central: Le rationamento (le inquesta del philosopho super le cognition occurre in le mixtura), le facer de inferentias (solmente in le mixtura pote Kant face petition del question ponite per le philosopho e esser blasmate pro facer lo), e emotiones disveloppante (le philosopho moderne se senti excitate e se flatta que le philosopho famose debatta con ille). --Le mixtion fuse usualmente non es percipite consciemente, mais on pote sublinear lo in jocos, caricaturas, enigmas, e le poesia. Tanto que nos non es stimulate a engagiar nos in le mixtion vividemente (como quando le philosopho porta un perruca blanc pro parlar con Kant) o da lo referentia in altere manieras que nos pensa es false (como quando on demanda que nos pensa que le philosopho moderne ha un machina de viagiar in tempore), alora iste particular mixtion es un normal e automatic via a conciper le facer del philosophia in responsa a obras per previe philosophos. --Dynamicamente, spatios de entrata e mixtiones in construction recruta structura de structuras conceptual plus stabile, elaborate e conventional que pote haber connectiones conventional de varie specie: rolos inquadrate in commun, connectiones del identitate o transformation o representation, connectiones metaphoric. Iste connectiones conventional es totalmente disponibile pro facer le labor de mixtion. Le mixtion pote exploitar, simultaneemente, plus que un specie de connection correspondente (p. e. le connection de quadro e rolo e le connection de identitate). Per le retrencheamento, le mixtion pote influer structuras conventional e lor connectiones conventional. Le mixtiones mesme pote devenir conventional. --Durante le mixtion, le labor conceptual pote esser requirite a alcun sito in le ordine conceptual. Spatios, dominios, e quadros pote proliferar se e modificar se. Le mixtion pote esser applicate succesivemente durante aquelle proliferation. Pro scopos local, nos cerca de complir un structura de correspondentias integrate e utile. Aquelle objectos pote esser complite in varie manieras: per activar differente spatios mental de entrata, per cambiar le recrutamento del structura a illos, per cercar a establir differente connectiones generic inter illos, per projicer differente structura del entratas al mixtion, per recrutar differente quadros al mixtion, per projicer differente structura del mixtion retro al entratas, per multiplicar le mixtiones, etc.. Le quadro del debatto pote facer structurar minus obvie mixtiones, como in: "Le _bean burrito_ es le responsa de California al _Croque Monsieur_ de Francia." In le mixtion, le regiones del mundo participa in un debatto. In realitate, il non exige mesmo alcun concurrentia gastronomic inter illes. Il es importante in tote de iste casos a observar que ben que le mixtion pote esser centralmente utile pro labor cognitive, aquello non significa que nos debe reificar lo, o que nos es anxie super le maniera in que le mundo deberea esser differente pro reificar lo. Le utilitate del mixtion reside principalmente in su affinitate al spatios de entrata; per se, le mixtion facerea necun labor pro nos. le affinitate del mixtion a possibile existentia es un cosa differente. Il non es necesse pro nos que nos pensa que le debatto inter Kant o le concurrentia culinari inter Francia e California es real pro trovar los extrememente utile. Multe phenomenos occasiona le mixtiones: actiones inventive, analogia, performantias dramatic, contrafactuales, significationes integrate, constructiones grammatic. Tote istos ha projection partial, structura emergente, correspondentias de projection, etc.. Le metaphora es un del phenomenos que occasiona le mixtiones. Il ha le characteristicas proprie: partial projection de spatios de entrata; structura emergente in le mixtion; correspondente structura inter le spatios de entrata; projection de integration de evenimentos del fonte, le stato inconscie del mixtion usque on lo sublinea; labor cognitive specific al mixtion, etc.. . . . . Il ha pression de integrar structura conceptual. A vices nos vole pensar de evenimentos como integrate, e un via de facer lo es per miscer los con un jam integrate structura de evenimentos. Inversemente, quando nos incontra un forma grammatic typicamente usate pro exprimer un certe specie de integration, nos lo intende como un solicitation de facer un mixtion. Le forma grammatic Phrase Substantive Verbo Phrase Substantive Phrase Prepositional exprime le integration de evenimentos de motion causate. Illo es le componente syntactic del construction de motion causate studiate per Goldberg (1995). Alcun verbos _jectar_, jam specifica le motion causate, e occurre prototypicamente con le forma syntactic PS V PS PP: _Johannes jectava le balla in le paniero_. {Johannes age super le balla. Le balla move. Le balla es in le paniero.] Le verbo _jectar_ in iste caso specifica le action de Johannes, le motion del balla, e le facto que illos es causalmente integrate. Mais alcun verbos que non illes mesme specifica le motion causate pote esser usate in le anglese in le construction de motion causate. Tal verbos sublinea differente elementos que joca rolos in le motion causate. --Action del agente causal. In anglese on pote dicer "Gogol sneezed the napkin off the tabulo." {Gogol faceva le servietta mover foras del tabulo per sternutar}. [Gogol sternuta. Le servietta move del tabulo.] Ordinarimente in anglese "sneeze" = sternutar non es un verbo de action causal. In le phrase anglese le forma syntactic es le mesme como antea. Mais le verbo corresponde solmente al action del agente. Su semantica de quadro contine necun objecto, e a fortiori necun motion de un tal objecto. --Le motion del objecto: "Junior sped the toy car around the Christmas tree". (Junior faceva mover rapidemente le automobile de joco circa le arbo de Natal.) Ordinarimente "speed" es un verbo intransitive. Mais in iste caso le phrase anglese usa "speed" (tempore perfecte = _sped_) transitivemente, que es inusual. --Causalitate: "Sarge let the tank into the compound". {Sergente signa un formulario, gesticula con su mano al conductor del tank o aperi le porta al recinto. Le tank se move in le recinto}. Le verbo _let_ (= lassar) non specifica le action de Sergente o le motion del tank. Illo face emphase super le subtraction de restriction e le rendimento de abilitate. Multe linguas ha un forma analoge al PS V PS PP pro verbos de motion causate como "jectar", mais solmente alcun de aquelle linguas, como le anglese, ha disveloppate un construction de motion causate pro exprimer le plus general integration de un sequentia causal del action e motion. Il non es un coincidentia que le forma syntactic usate pro exprimer le integration general es le mesme como le un pro verbos prototypic de action causate como "jectar". Le puncto que nos vole facer es que le mixtion conceptual motiva le emergentia e proprietate principal de tal constructiones. Specificamente, nos vide le construction grammatic como un mixtion conventional de Entrata 1, un typic forma basic pro un completemente integrate evenimento (p.e. "jectar") con Entrata 2, un non integrate sequentia causal. Entrata 1 es le quadro que face structurar casos typic como "jectar". Illo include un rolo de un agente a, un rolo de un objecto o, un rolo e que subsume action causal, medio e maniera de action, motion del objecto, maniera de aquelle motion, e un rolo de direction dm. Nos ha le forma basic syntactic de PS V PS PP. ENTRATA 1 MOTION CAUSATE ENTRATA 2 NON INTEGRATE (Conventional) SEQUENTIA CAUSAL PS agente a |a' agente |ACTOS V action causal e medio CAUSA maniera motion PS objecto o |o' objecto | SE MOVE PP direction dm |dm' direction LE MIXTION INTEGRATE PS a --> a" <-- a' V e --> e" PS o --> o" <-- o' PP dm--> dm"<-- dm' Le Entrata 2 es le sequentia non integrate que contine un agente a' que face alcun action, un objecto o' que se move, e un direction dm' pro aquelle motion. Un mixtion de iste duo spatios conceptual schematic require un partial projection de correspondentias. Agentes del action causal, a e a' objectos o e o', directions dm e dm', es natural correspondentes conceptual. Le principio general pro le projection de correspondentias inter le quardo integrate (a, o, e dm) e le sequentian non integrate es a maximizar le correspondentia inter le rolos complexe e subrolos in un spatio e le complexe non integrate in le altere. Rolo e in le entrata integrate [Entrata 1] pote projicer se in plus que un via: al action de a', al motion de o' , al ligamine causal inter le evenimentos. Isto es proque e prende parte in le characteristicas affin con cata un de iste rolos in le sequentia causal. Le objecto del mixtion es de integrar le sequentia causal. Isto es facite per importar le rolos conceptual e le syntaxe correspondente de Entrata 1. Le mixtion va haber rolos a", o", e", e dm" projecte de Entrata 1. Le contento pro aquelle rolos essera providite per Entrata 2. Agente, objecto e direction se projice directemente. Mais pro e", il ha plus que un possibilitate, proque il ha plus que un via pro e a projicer se. Si e se projice super le action del agente, le mixtion va hereditar aquelle action, e un verbo que lo exprime va emerger in le position V del form syntactic PS V PS PP. _Gogol sneezed the napkin off the table_. [literalmente: Gogol sternutava le servietta del tabulo]. _The audience laughed the poor guy off the stage._ [Goldberg 1995] {Le audientia rideva le parve typo del scena}. Si e se projice al motion del objecto, un verbo que exprime le motion va emerger in le position V: _Andy rolled the drum into the warehouse_. [Andy rolava le tambur in le magazin]. _Junior sped the automobile around the Christmas tree. {Junior *rapidava le automobile de joco circa le arbo de Natal). [Nota de trad.: Iste caso es multo difficile de traducer in interlingua]. Si e es projecte super le ligamine causal, un verbo causal proprie essera usate: _Sarg let the tank in the compound_. [Sergente lassava le tank in le recinto]. [Nota de trad.: Isto non es bon interlingua]. . . . . Pro le version complete de iste essayo in anglese visita http://www.wam.umd.edu/~mturn/WWW/centralprocess.WWW/centralprocess.html Isto illustra casos in le anglese que es difficile de traducer in linguas romance e interlingua proque illes non ha iste general schema de motion causal pro facer verbos intransitive devenir verbos transitive. Stanley Mulaik Traductor