Car amicos, Kjell Rehnstrom scribeva relative a mi "Lista Supplementari de Vocabulos International" que ille volerea trovar definitiones in illo. Io crede que il non es necessari de dar definitiones, nam on pote retrovar le parolas registrate con lor significationes in dictionarios francese, italian, espaniol, portugese o anglese. Pro dar vos un idea del lista io cita hic alicun "nove" parolas que on non pote trovar in le IED: Abhorrente, adj Absolutista, adj Aciditate, sub Acromio, sub, ANAT Acrylato, sub, CHIM Actinometria, sub, PHYS Adsorption, sub Africanisar, verbo Agronomista, sub Albedo, sub Amanita, sub, BOT Amoralitate, sub Aneroide, adj Anglophilia, sub Aortitis, sub, MED Aphonic, adj, PHON Antivitamina, sub, BIOL Antistatic, adj Areligiose, adj Assertivitate, sub Audiocassetta, sub Autoinfection, sub Azotar, verbo, CHIM etc., etc., etc. In le prime edition del anno 1997 il habeva 19 024 parolas, Le tertie edition de 2000 plus le Addenda le plus recente contine 21 509 parolas. Le impression de iste edition con su ligatura anellate es perfecte. Le precio es 8 dollars + le porto postal. Salutes amical de Piet Cleij www.interlingua-nl.com