Hodie in le matino, le station spatial Mir, un symbolo del conquesta spatial ha cadite in le oceano Pacific. Le lumines de color brillante in le celo nocturne super le insulas del Pacific era le fin spectacular de un epocha gloriose e anque le initio de nove defias. Le sensationes del personas interessates in le questiones spatiales era duple. Pro alcunos un sensation de tristessa, per le destruction controlate de un symbolo del exploration spatial. Pro alteres le sensation de que le nove ISS, le Station Spatial International, prendera le posta del Mir in continuar con le presentia del homine in un ambiente tanto hostil como fascinante. Io pro mi parte, lamenta multissimo que le climate tempestuose e nubositate me impediva vider per ultime vice le station Mir in su passo super nostre territorio como un pucto luminose. Io ha ora un poc de nostalgia. Ma le ver es que le Mir jam ganiava un loco de privilegio in le historia del humanitate. De hic a multe annos, quando le viages interplanetari sia quasi rutina -como lo es hodie le volos del transbordator spatial- le libros de historia habera un revocation special pro le Mir, como le prime passo de un longe cammino. Anque le prime passo importantissime in le direction a Marte, que illo sera le proxime frontiera. Forsan in duo centos annos, quando interlingua jam sia le lingua de un grande parte del mundo, le filios de nostre granfilio, potera leger in lor libros scholari le historia del que hodie nos es testes. In un photo adjungite io invia un vista del restos del Mir in le reentrata al atmosfera. Iste imagen era captite desde le insulas de Fidji. Horacio