Jay Bowks wrote: > > > ego me senti un poco como le patre in le historia > > del puer e le asino. > > Cellus > > Conta nos ille historia in interlingua, per favor! > De multo gusto, si ego non ha facite isto antea. Ego ha attingite le stadio in mi vita que ego suspecta que ego ha narrate omne le historias. Nonobstante assi: Unquam per un region rural il habeva un via sur le qual camminava un viro e su filio ducente un asino. Illes non era sol sur le via. In facto tote le gente habintante iste region e multe adjacente regiones era de via al mercato pro vender e comprar. Naturalmente le gente que videva le trio faceva su commentos. "Nos vive in un multo mal tempore. Imagina qual tyranno patre! Ille ha un asino e non permitte le filio montar le asino. Le infante es parve e debe ir un tanto longe via. Disgustose!" Le patre audiva le commentos e adjutava su filio seder sur le asino. Vadeva ben, e illes poteva camminar plus rapido. Ma nunc le patre audiva altere commentos del gente: "Il es un vergonia que le senior debe ir durante que le junior pigre sede sur le asino. Le infantes vive troppo ben in nostre dies!" "Il pote esser un certe ration in isto", pensava le patre e diceva al filio: "Nunc tu descende e ego va asinar un poco." Nunc le puero camminava e le patre sedeva sur le asino. Ma isto habeva un vermente mal effecto. Le gente quasi attaccava les. "Qual vergonia! Le viro, certo su patre, sede sur le asino, durante que le infante debe camminar. Il non es estranie que le juventute es mal! Illes non recipe le amor de su genitores!" Nunc le patre diceva: "Filio, tu pote etiam seder. Alora on non pote dicer que ego te tormenta." Dicite, facite! Nunc ambes se faceva portar per le asino. Ma non! Le gente non era satisfacite. "Povre creatura. Que on pote turmentar le povre asino in iste maniera!" Quando le humanos vadeva ambes, toto non era ben. Alora illes era stupide. Quando le patre viagiava sur le dorso del asino, isto non era bon. Ille prendeva un longe barra e ligava le pedes del asino a illo e postea le puero e su patre portava le asino.... Haha! Cellus