Per le National
Geographic de martio.
Anthropologia: Mumia
sub examine.
Analyses del Dna per le homine del Similaun.
De ubi veniva le homine del Similaun? Proque, circa 5300
annos retro, ille moriva de colpo, super le glacie al confinio italo-austriac
ubi su corpore mumificate ha essite retrovate in 1991? Per clarificar istos e
altere dubitas, in le septembre passate le mumia he essite "decongelate" pro un
die, e on ha subtrahite alicun specimenes de texito, hodie al examine per
sex gruppos international de scientistas. Inter le recercas in curso, etiam
un analyse del Dna. In 2000, ultra 250.000 personas ha viste le Museo
archeologic de Bolzano (Tyrol del sud) per admirar le nunc jam celebre
mumia.
Le fonte retrovate.
Spedition al fontes del fluvio del Amazones.
Desde seculos on se interroga sur qual sia le vere fonte
del fluvio del Amazones. In 1641 le jesuita Cristoval de Acuna resumeva su
theoria al rege de Espania, ma pois que le culmines glacial del Andes ubi
origina le fluvio era difficilemente accessibile, le hypothese non era
confirmate. Un expedition de National Goegraphic in 1971 individuava un torrente
super le "Nevado Misimi", un montania de 5597 metros in le sud del Peru; ma
secun altere theorias, le vere fonte era un rivo que efflueva de un picco vicin.
Hodie, gratias al technologia de positionamento de satellites, un
expedition del Society conducite per Andrew Pietowski, inseniante de
mathematica, ha dissipate le dubitas: le fonte (intendite como le puncto plus
distante in le bassino de disaquamento cuje le aqua flue tote le anno) se trova
super le "Nevado Misimi". "- Nos ha create un mappa fidabile e obtenite
le mensuration exacte del fonte-", dice Pietowski. Le Gps ( systema de
positionamento global) usate per le expedition ha un margine de error maxime de
cinque metros e illo non habeva jammais essite utilisate in iste remote
region montan.
Luca Ghitti