Question :
Vamos imaginar le universo como un grande “*panettone” que levita, del qual super su superficie il ha le galaxias; ora le diametro del “panettone” deberea representar le diametro del universo.
Le linea ideal que junge duo galaxias le quales se trova de un parte e
del altere del cosas sucrate representa le diametro e tunc le grandor del
universo. Ma le grandor del universo es date per le distantia inter duo objectos
material le quales son le galaxias. Io vole dicer si iste duo galaxias dista
inter illos 100 mt, totevia illos emitte lumine que se diffunde de omne galaxia
pro altere 20 mt. An le grandor del universo es de 100 mt o 140
mt?
Nota: Le panettone es un typic cosas
sucrate milanese que nos mangia a Natal. Illo es facte con levatura, butyro,
ovos, farina, condites e uvas sic. Illo levita a forma de grosse cupola e illo
es vermente bon e gustose. Si vos ha essite in Italia in le periodo de Natal
securmente vos ha mangiate un belle
"panettone"!
Responsa per Luca Amendola,
physico
Si nos accepta le analogia del “panettone”, alora nos
debe imaginar que tote le spatio tridimensional sia representate per le
superficie del cosas sucrate. In iste caso, le lumine, como omne altere forma de
materia viagia super le superficie, non intra le “panettone”. Inde le diametro
del universo non es de mesurar se intra le “panettone”, ma plus tosto remanente
super le superficie: in altere parolas, le “diametro” del universo es in
realitate le circunferentia del “panettone”.
Tunc, il non importa per quanto le
lumine se propaga: le circumerentia del “panettone” resta semper le mesme, (
alteremente illo augmenta, si le “panettone” como le universo es imaginate in
expansion, ma illo augmenta in le mesme maniera pro le galaxias e pro le
lumine). Le analogia con le superficie vale, tamen, solmente si le spatio es
curve e clause in se ipse, ergo dotate de un volumine
finite.
Si in vice le spatio es aperte e infinite, il es melio considerar un
analogia tridimensional: nos pote pensar alora al galaxias como al uvas sic al
interior de un “panettone”, ma infinite. In iste caso il non existe un diametro
del universo, ma sol le diametro del region que a omne istante illo es
observabile, e iste region es dicte etiam:
horizonte.
Cata objecto ultra iste horizonte (galaxias, particulas, etc.) il es pro definition talmente remote que lor lumine non ha habite le tempore de pervenir usque a nos etiam si illo haberea partite in le istante del “big bang/grande explosion”.
Mi observation: io trova le comparation inter le universo e le "panettone" multo belle e particular. In le proxime Natal, quando io mangiara un grande trencho de iste cosas sucrate, io pensara e reflectera super le universo e le creation. Mangiante le "panettone" il me semblara de mangiar le tote universo!
Le proxime septimana il arriva le Pascha, e vos, car interlinguistas, quales son le cosas sucrate characteristic de Pascha que face pensar a vos al universo?
Luca Ghitti