Per le revista "National Geographic" de april
Le retorno del urso brun.
Le grande carnivore reintroducite in le Alpes italian.
Tres annos antea le situation era dramatic: desde le original
population de ursos brun del Alpes, superviveva solo tres individuos,
probabilemente totes masculos. Hodie, gratias a un projecto de reintroduction
initiate in 1999 le urso brun poterea retornar a habitar stabilemente le
Alpes.
Intra april e maio 2001 venira liberate al interior del parco natural
Adamello-Brenta (ubi io habita, nota del traductor) altere duo individuos, que
se adjunge a cinque ursos liberate desde 1999, Masun, Kirka, Daniza,
Irma e Joze, illos proveniva de Slovenia. On va attender etiam le nascentia
del prime juvene animales. Dice Andrea Mustoni, responsabile del projecto de
reintroduction: "- Desde 12 annos il non ha plus signos de reproduction -".
Comenciate in le primavera de 1999, le projecto previde le liberation,
intra 2002 de novem individuos: tres masculos e sex feminas, totes capturate in
Slovenia, ubi il existe ja un population stabile. Le objectivo es de
reconstituer intra 50 annos un nucleo de al minus 40 exemplares in un area de
6.500 Km quadrate.
"- Le animales reindroducte se ha ben adaptate a lor nove casa - " se
allegra le biologo. Isto es confirmate etiam per le facto que illos continua
sequer lor dieta habitual: fago, castanias, germines e altere vegetales,
insectos: formicas e vespas, parve mammiferos e ungulatos, probabilemente que
illos trova ja morite.
Desde le initio de novembre, le nove habitantes del parco ha entrate in le
antros pro le lethargo. " - Nos sape ubi illos son, excepte pro Masun, que le
estate passate ha perdite le radiocollar. De illo nos va apprender de
plus a lor reanimation - " conclude le senior Mustoni.
Luca Ghitti