Car amicos,

in iste dies io ha discoperite in le rete alcun belle e interessante sitos re le montania de mi Valle.

Si vos non suffre de vertigine, e vostre computator vos lo permitte, alora vos pote ir al sito: http://www.scalve.it/panorami/pizzocamino.html; hic il ha un meraviliose panorama a 360 grados del plus alte montania de mi pais Borno: le Picco Camino a 2.492 metros sur le nivello del mar. Io ha ascendite iste monte duo vice solmente in le estate.

Si vos vole continuar in le vision de altere panoramas alora vos debe ir al sito: : http://www.scalve.it/panorami/foto360.html ubi il ha plure images.

Si vos ama le montania e su paisage io vos consilia le sito: http://spazioweb.inwind.it/escursioni. Hic il ha meraviliose photos del montes e valles del valle Camonica.

Le sitos naturalmente son in italiano, ma isto non es un problema pro vos, mi car vetule bubos de interlingua! O al minus io lo crede!

 

Vertiginosemente vostre.

 

Luca Ghitti