Io ha retornate de mi viage a New York, New Haven, Connecticut e Monaca, Pennsylvania e ha resubscribite a interlng. Isto esseva un multo placente viage. Io ha obtenite un photographo del entrata al edificio ubi Dr.Gode locava su bureau a 80 East 11th Street in 1961 in New York. Io tanto ben ha discoperite un meraviliose libreria a New Haven pro dictionarios e libros scholari de linguas extranee. Io comprava duo libros super le historia de espaniol, un super le linguas romance, un grande dictionario german "Wahrig Deutsches Worterbuch" (con etymologias!) (pro solmente $35, nove!), un grande dictionario de anglese-latin (vermente "grande"), un Duden "Das Fremdwo"rterbuch" que da le origines de parolas prestate al germano de altere linguas. Io ora ha tote le dictionarios con etymologias del linguas de controlo de interlingua (con le exception del russo). Ancora io ha plure dictionarios anglese e russo e un francese-russo dictionario. Io e mi sposa visitava le Metropolitan Museo de Arte in New York pro vider lor collection de objectos de egypto. Meraviliose! In Monaca, Pennsylvania, nos visitava le cosina e cosinos de mi sposa. Il esseva bon a vider nostre pais in su varietate. Stan Mulaik