Car Allan; Gratias pro tu lista del paises europee secundo lor linguas. Io memora que le populo del nove nation de lingua romanic in le ex-Union Sovietic es MOLDAVIA, e non Moldova. "Moldova", e etiam "Kisinov o Kishnov" es un scriptura russificate (o sovietisate) de iste ancian ex-provincia romanian - Bessarabia. Su lingua es le romaniano e su bandiera es le mesme de Romania con le lineas e senso invertite. Ille appella a lor capital - CHISINAU (io pensa que isto on lege: Chisinau, in interlingua) e non "Kisinov", un maniera machiavelic de deturpar le ver nomines national ab le puncto de vista de un altere nation. Isto es le mesmissime processo que le "experantistas" adoptava a lor codice secrete pro parolas como: kvar (quatro), konsekvenco (consequentia), isto es, le /QU/ latin, QUE OMNE LE POPULOS pronuncia correctemente como /kw, ku/ era mutilate pro le pronunciation germanesc /kv/. Talmente faceva le politicos stalinista, pro "fortiar" un integration inexistente al populo moldavian.