Gratias, Mario, pro diriger me a "sottoscrivere" in mi Zingarelli. Io ha cercate a "sub-" e "su- mais ha oblidate que "sotto-" < subtus es le prefixo commun italian que corresponde a "sub-". E multo bon in tu notar que in italiano "sottoscrivere" es plus un accordo inter partitas de un contracto (qui subscribe lor signaturas a basso super le contracto). Nos ha le expression in anglese de "cancel a subscription" (cancellar un subscription o abonamento). Mesmo pro le anglese "unsubscribe" es alquanto inhabile, ben que facilemente comprendite. In anglese on non jammais scribe un periodico pro "unsubscribe oneself from their periodical", on scribe "I wish to cancel my subscription". Le parola "unsubscribe" esseva un forma anglese create per un programmator de computatores, e illes semper ha le reputation de saper plus super linguas de computatores que linguas de homines. Nonobstante illo es evidentia del poter in anglese de "un-" in crear parolas pro conceptos opposite. Mais como va cosas in Treviso? Le tempore aqui in Marietta (proxime a Atlanta) es bon, con temperaturas circa 32 grados celsius. Totevia le huracan Barry ha justo passate al costa de Florida e entrate le stato de Alabama, portante multe humidite del Golfo de Mexico a nos, e io opina que deman nos va haber multe pluvia de illo. Il es le sonio de un mosquito! Le mercato de stock aqui in le Statos Unite non va ben. On lege alcun predictiones que il ha multe debito inter familias american, e quando illes perde lor empleos, toto va vader mal rapidemente in le regno de expendituras de consumitores. Al hora actual, le consumitores ancora compra le cosas, mais tosto illes va vider lor limites. Alcunos face le recommendation que on compra stocks europee e in altere partes del mundo ubi le commercio essera melior. Totevia, si le economia del Statos Unite suffre, le resto del economias del mundo va suffrer. Alteros recommenda que on cresce le quantitate de obligationes commercial in tu portfolio. Justo iste septimana mi banca ha indicate que illes va reducer (a lor option) le interesse de mi certificatos de deposito, a causa de conditiones del mercato. Economicamente, Stan