Io es legente un livro appellate "Beyond the Edge of the Sea: Sailing
with Jason and the Argonauts, Ulysses, the Vikings, and other
Explorers of the Ancient World" per Mauricio Obregon (qui era le
Presidente del Universitate del Andes, in Bogota, e alsi era le
Ambassador Colombiano a Venezuela, le Caribbean, e le OAS.

Ille es del opinion que le Polynesianos ha continuate lor migrationes
del este usque America del Sud, e que le Indianos del Am. Sud son
parcialmente descendite del polynesianos. E io ha legite in annos
recente de un studio (de ADN mitochondrial, io pensa, ma
possibilemente io mismemora e era de factores de sangue) que ha
trovate 4 distincte grupos del indianos in le Americas--tres con
similaritates con grupos in Siberia, e uno con similaritates con le
polynesianos!

Io nota alsi que le studio que Horacio ha mentionate que ha
concludite que le Ainu (habitantes indiginee de Japon) son le plus
proxime cozinos del indianos american, alsi ha concludite que le
seconde plus proxime son le polynesianos. E finalmente, le experto in
religion comparative Joseph Campbell ha scripte de artifactos
peruvian de un antiquitate de 5000 annos quasi identical con
artifactos paleojaponese del mesmo dato!

Anthropologicamente,
-Julio (cuje descendentia habera sangue indiginee american, porque su
inamorate venezuelan, Rosa, es 1/8 indian sudamerican)

Interlingua es un lingua artificial (create in 1951) que es immediatemente e facilemente comprehensibile per personas con fluentia in linguas derivate de latin. Si tu desira plus information, scribe me o visita: www.interlingua.com
Interlingua, lingua international facile. Vide http://www.interlingua.com
____________________________________________________________
Get your own FREE Web and POP E-mail Service in 14 languages at http://www.zzn.com.