----- Original Message ----- From: <[log in to unmask]> To: <[log in to unmask]> Sent: Sunday, October 14, 2001 6:29 AM Subject: Re: [collateralista] prototypos, objectivitate e IALA >Mario, > Salute de San Francisco! Io e mi sposa ora retorna de nostre 4 dies >a Monterey, California. Hodie nocte nos es a un motel presso le >aeroporto de San Francisco, in le suburbo de Millbrae, California. >Io scribe isto super mi nove computator portabile, un iBook de >Macintosh. Io legeva tu message iste matino, un belle matino de sol, il pare un matino de tarde primavera. In le aere io audi ancora, in lontanantia, le passage del bandas musical que accompania le defilata del Alpini, alpinistas. Illes era avante mi casa usque a qualque minutos retro. Mi casa es collocate a un del quatro lateres del Piazza della Vittoria, le Placia del Victoria, ubi Treviso ha erigite le monumento 'ai Caduti', war memorial. Caduto in le significato de man who died for his country o for a cause, ab le verbo cader, cadete, cadeto (?). Le francese ha mort de la guerre, monument aux Morts de la guerre. Le espaniol ha cai'do, monumento a los cai'dos. Le germano ha Kriegs-gefallene. Latino: pro patria mortuus, a, um. Monumento al cadetos? In iste placia on festea omne manifestationes public que initia generalmente con le homage ad Cadetos, o Mortos pro le Patria, militar e civil de omne guerra. Iste vice era le torno del 'Alpini', un corpore militar italian que ha longe tradition. In lor benettos illes ha un pluma. Illes es truppa de montania e, in particular, illes conserva, de lor experientia de servicio militar, in ultra a lor inseparabile bonetto, un grande passion pro lor pertinentia al corpore militar. Le specialisation de montania forma lor charactere al par grado del adversitates in le qual illes debe operar. De consequentia ille disveloppa un grande amicitate e solidaritate e un carga in le vita civil que se manifesta in lor presentia in multe organisationes de succurso civil, voluntariato, usque al donation del sanguine e a illo extreme del organos vital. Io non ha un valide cultura musical, totevia io ha un particular sensibilitate fra le musicas de character patrioctic. De consequentia in omne occasion de iste manifestationes io supporta un ver e proprie alteration de spirito e un profunde senso de participation. Io trova que iste momentos exprime le pertinentia de un populo a su origines e traditiones e que se realisa un connexion de alte sensibilitate inter le personas qui es presente e illes que nos rememora pro lor extreme sacrificio. A vices in le placia nos ha italianos e austriacos, como dicer duo vetule inimicos qui commemora lor commun mortos. Le altia banner (it. alzabandiera, es. izamiento de la bandera) e super toto le sono del 'silentio' (es. tocar el silencio) pro le homage al Cadetos es momentos de grande participation. Solitemente io partecipa a iste manifestationes de un fenestra de mi casa, sed a vices io descende in le placia pro miscer me al personas e io les observa. Ben! io non es le sol persona qui vive momentos de particular emotion. Le emotion es un presentia in general in le oculos del personas. Mario Mario Malaguti -------------------------------- Le sito italian pro Interlingua: http://www.geocities.com/interlingua_italia --------------------------------------- Le lista in Interlingua que te expecta: http://groups.yahoo.com/group/interlinguaitalia _________________________________________________________________ Scarica GRATUITAMENTE MSN Explorer all'indirizzo http://explorer.msn.it/intl.asp