Heri, sabbato, in le Bosco del Cansiglio, Anna mi sposa, Tina mi amica qui vive in Alabama, su frate Massimo e io, nos passava un belle jornata diverse del consuete in le meraviliose mundo del pre-Alpes de Treviso. De un parte, a sud, nos habeva le plana e le Mar Adriatico e a nord nos poteva admirar le Dolomiti. Natura e cultura culinari del melior qualitate. Nos consumeva un prandio de recordar. E que faceva Tina durante tote le die? Ille cercava de convincer su frate e io de passar un periodo de vacantia in su Millbrook ubi illa vive in un casa del epoca del guerra de Succession american. Su fratre non la visitava jammais durante le passate 35 annos. E nos discuteva re isto pro trovar un justification perque al contrario Tina veni in Italia al minus un vice al anno. Io time que le ration de isto sia le simplice facto que nos vive ben in nostre region e que nos non ha un grande interesse pro le altere partes del Terra. Perque privar nos de nostre commoditates e de nostre paisage, anque solmente pro un breve periodo? Massimo e io non es certemente duo amantes del viages. O que sia del aviones? Como? Io andava in India e Nepal! Totevia il era le 1981, altere annos. Tina vole que nos parti con illa le proxime 6 novembre. Uhmm! Il es troppo vicin! Nos duo debe pensar. In veritate nos duo non ha alcun particular desiro de facer iste viage. Totevia un periodo a Millbrook! De ibi io poterea arrivar a Marietta, nonne? Assi io poterea resolver definitivemente le facto del aquellese! Uhmm? Il serea securmente un viage sin fructos! Ille de Marietta es troppo un personage dur, obstinate. Il sera melio que le proxime vices nos cambia bosco, nos pote seliger illo del betulas, plus a west, iste vice e sempre e solmente a 40 kilometros de nostre Treviso. Dice Tina que anque in America on pote trovar equal beltate del locos, sed uno debe percurrer plus longe distantias. Justo! Nos pote creder al paragon, totevia alora perque facer lo, si nos ha un concentrate jam hic! Mario, uno del duo viagiatores sin sperantia de viagiar. Mario Malaguti -------------------------------- Le sito italian pro Interlingua: http://www.geocities.com/interlingua_italia --------------------------------------- Le lista in Interlingua que te expecta: http://groups.yahoo.com/group/interlinguaitalia _________________________________________________________________ Scarica GRATUITAMENTE MSN Explorer all'indirizzo http://explorer.msn.it/intl.asp