Io non ha aperite le attacamento proque le message non es bastante
specific e io non pote esser secur que illo non es un virus. Io
nunquam aperi attacamentos sin un tal message, con le sol exception
de attacamentos con messages in interlingua. Io non crede que un virus
sera scripte in interlingua! Si tu re-inviar lo con un message in
interlingua, io aperira lo.

Similarmente, io ha recipite ante duo dies un littera in le posta de
alcuno cuje nomine io non ha recognoscite, con mi nomine scripte per
mano ma mi adresso imprimite. Le adresso era attacate con tapa, e in
general illo habeva varie similaritates al typo de littera suspiciose
que nos son avisate pote contener anthrace iste dies. Ma io ha aperite
lo immediatemente--proque mi nomine era scripte "Jonathan Julio
Dobkin" e in anglese io es Jonathan Julius, o Jay, o J.J., ma nunquam
"Julio." Io solmente es "Jonathan Julio" in interlingua, e il era
obvie a me que mi nomine era selegite ab le Addressario de Interlingua
e io es secur que le bio-terroristas non parla interlingua. E, de
facto, le littera era un noticia re "Interlingua in Interlingua" per
Hadleigh Kyson.

Interlingua, nostre protection contra Al-Qaeda!

Contraterroristicamente,
-Julio


---- Begin Original Message ----

From: Marcos Costa <[log in to unmask]>
Sent: Wed, 21 Nov 2001 00:29:59 -0200 (BRST)
To:
Subject: Please review this draft


Also, please look over the existing Acrobat annotations from our
colleagues and let me know if those issues can be resolved.

เก.

---- End Original Message ----

Interlingua es un lingua
artificial (create in 1951)
que es immediatemente e
facilemente comprehensibile
per personas con fluentia in
linguas derivate de latin. Si
tu desira plus information,
scribe me o visita le
sequente sito:
Interlingua, lingua international facile. Vide http://www.interlingua.com
____________________________________________________________
Get your own FREE Web and POP E-mail Service in 14 languages at http://www.zzn.com.