Amicos, Heri io recipeva un message del svedesa Jenny Antonsson qui voleva lassar interlng e ha me petite a dicer como facer lo. Jenny: "Hej Janne! Det är klart att jag blir kvar som medlem i interlinguasällskapet men interling var inte riktigt vad jag hade hoppas att det skulle vara. Jag trodde det mer var ett forum för oss som inte riktigt är så bra ännu......." Mi traduction: Ciao Janne! Naturalmente io vole remaner membro in nostre association ma interlng non ha correspondite mi expectationes. Io ha me imaginate que illo serea un foro anque pro nos qui non ancora ha acquirite bon capacitate a scriber le lingua.... Io me ben remeora le vespere in Strasbourg 1995 quando Piet, Ingvar, Paolo, Simona, Florin, Frank Pfaff e io sedeva a un computator connectite a Internet pro investigar si le nomine www.interlingua.com ancora esseva libere. Il esseva. Post alcun hesitationes nos ha decidite a lo comprar. Felicemente io habeva mi carta de credit attingibile e poteva pagar immediatemente. Nos ha lo facite. Postea nos ha sentite un grande relaxation. Alcuno ha burlate: Bring in the wine! Piet ha postea dicite: "Forsan isto esseva nostre plus importante decision in iste Conferentia" In le mesme tempore Frank Pfaff ha acquirite iste foro INTERLNG pro nostre movimento e ha anque pagate un summa considerabile pro supportar nostre movimento. Ille ha exprimite su desiro que INTERLNG serea un foro pro communication inter nos e particularmente pro novicios qui desirava exercitios in scriber interlingua Ab initio il habeva comenciantes qui ha usate iste option (io ipse includite). Ma plus tarde le foro ha essite dominate de "hobbyistas" qui usa le foro pro lor correspondentia plus o minus private. Uno de illes anque invia curte exclamationes concernente un singule persona in le foro. Evidentemente sin observar que le foro ha plus que 100 subscriptores qui es obligate a aperir lor ePosta e leger los. Le disveloppamento ha essite multo triste in mi opinion. Forsan il ancora es possibile a restorar le foro a esser plus usabile pro nos totes e particularmente pro comenciantes. Isto debe requirer: a.. que le hobbyistas termina lor tediose discussiones grammatical o move los a un altere foro b.. un plus positive attitude a stimular e adjutar comenciantes c.. plus autodisciplina e consideration al seriositate de nostre lingua e movimento. Nos nunc ha alcun nove participantes in iste foro. Illes face errores (como nos totes). Vamos corriger tal errores in un atmosphera de amicitate. Io vermente spera que nos pote restorar iste foro a su objectivos. Forsan nos pote salutar Jenny benvenite in le foro de novo? Janne Jan Årmann/Jan Armann Generalsgatan 12 E; S-903 36 UMEÅ/UMEA, Sverige (Sweden) Tel: +46 (0)90771525; Summer/Estate +46(0)52521485 Mobilphone: +46(0)706594934 Messages oral (multo curte) e fax: +46 (0)902034845 e-mail: [log in to unmask]; [log in to unmask]; reserva: [log in to unmask]; ICQ - UIN nr:785745; <http://www.algonet.se/~armann> <http://www.interlingua.nu>