Salute a omnes! Gratias pro le benvenita e le complimentos.
Martijn scribeva:
"interlingua es composite de parolas international, e tu cognoscentias del norvegiano (le qual include un grande parte del vocabulario greco-latin international) e del latino e greco deberea render facile apprender vocabulario. Pro le nivello conversational totevia non se require multissime vocabulos."
Io pensa que tu ha ration. Comprender Interlingua non es un problema grande. Multe personas pote comprender le lingua quasi immediatemente. Le grammatica de Interlingua non es troppo difficile, e non troppo irregular. In effecto, le grammatica de Interlingua es plus facile e plus regular que le grammatica del linguas national.
Martijn anque scribeva:
"Io prefere appellar interlingua un lingua derivate, plus tosto que artificial; reconstructe, plus tosto que constructe. Nulle parte de interlingua es inventate ex nihil. Tote le vocabulos, excepte un parve numero de conceptos grammatic pro le qual non existe formas international, es prototypos moderne de origine greco-latin, systematicamente derivate del formas supervivente in le linguas europee. Isto es le grande differentia inter interlingua e linguas como esperanto e ido."
Si, de nove io suppone que tu ha ration. Interlingua non es solmente un lingua "artificial", sed anque un lingua derivate, etiam le latino moderne. Esperanto, Ido, e altere linguas artificial es ofte appellate "le latino moderne", sed Interlingua es probabilemente le lingua neutral qui merita le titulo. Esperanto, Ido, et cetera non es inventate ex absolutemente nihil, sed Interlingua es probabilemente plus "derivate" e minus "artificial" que Esperanto e tal linguas.
-Daniel.
Do You Yahoo!?
Yahoo! Norge - no.yahoo.com