Car interlinguistas e odiantes de
virus!
Ante un septimana mi
computator esseva affligite per le virus BadtransB. Io attendeva un
responsa ab un persona cognite qui soleva inviar
me un photo de un timbro e quando io recipeva le responsa io aperiva
le fila malgrado le facto que le message esseva vacue. Multo incautemente, io
debeva haber suspectate alique.
Le nomine del fila esseva iste vice
"pic.doc.scr" sed como vos forsan sape multe altere nomines es
pensabile.
Post isto io non poteva aperir Outlook Express
perque le contrasigno non esseva acceptate.
Mi protection contra viruses, InoculateIT,
non habeva registrate le intrudor probabilemente perque
mi innovation esseva troppo vetule. Secundo informationes que io
recipeva le virus esseva discoperite 4/11/2001. In Svedia isto designa le 4 de
novembre e in USA le 11 de april, un facto idiotic, e io non ancora
sape lo que es correct iste vice.
Quando io innovava le programma io
obteneva le information que un certe Kernel32.exe in Windows\System
es le mesme como BadtransB e que illo ancora non esseva eradite.
Io examinava ille catalogo e trovava le fila
apud le fila Krnl386.exe lo que es un fila necessari pro Windows
(Krnl=Kernel).
Postea io restartava mi computator e le
programma eradicava le virus (sed non Krnl386.exe).
Secundo Allan Kiviaho on pote investigar
si le virus existe per controllo in C:\Windows\Win.ini. Ibi
le presentia del virus es identificate, inter multe altere
commandos, qua le commando "run=C:\WINDOWS\ INETD.EXE". Io non lo
trovava (post le eradication).
Nunc io poteva aperir Outlook e recipeva plus
de 100 messages que rapportava que io habeva BadtransB. Le plus de iste adresses
NON es in mi adressario lo que me surprisava multo. Dunque le virus pote
acquirer adresses in altere adressarios e totevia disagradibilemente
designa me como expeditor. Io anque nunc sape que le lettera que forniva me con
le virus n o n esseva inviate per le persona qui io cognosceva.
O esque il es possibile que le virus pote
trovar ille adresses in un fila in Word? Alcun dies previe io habeva investigate
in internet le pagina del Parlamento Europee e copiate le adresses de
certe parlamentarios, sed solmente pro un fila in Word e non pro Outlook. Plure
de iste adresses reageva. Qui sape?
Secundo un message de Rodrigo (via Ensjo) le
11 de octobre on pote evitar iste problemas per scriber le adresse 0000 in le
adressario. Io tosto lo faceva e dunque isto non me protectava
contra BadtransB. Forsan al minus le divulgation esseva un poco plus
lente. Qui sape?
Gratias Barbara Rubinstein, Allan Kiviaho,
Martijn Dekker, Bent Andersen, Jan Årmann, e forsan alcunos nunc obligate
(le catalogo "Eradite" es mundate), qui me admoneva
e probabilemente esseva plus caute que io.
Intertanto io mesme, forsan
qua punition, ha essite affligite per un virus in un aure que me
ha facite quasi surde ibi. Totevia le doctor non crede que le
causa es BadtransB sed un altere virus. :-D
Homo bonus semper tiro est!
Un bon homine semper es
comenciante!
Erik Enfors
Vallåkergat.25
SE-432 37
VARBERG
Svedia
Tel: +46 (0)340-875 45
e-post: [log in to unmask]