Car amicos, In su message de hodie Allan Kiviaho mentiona le nomine de Seyss-Inquart. Isto porta retro mi pensatas a mi juventute durante le guerra, quando Seyss-Inquart esseva le persona le plus odiate in Nederland. Iste nazi abjecte es responsabile de un longe serie de crimines, que ille ha committite durante le periodo de su posto in mi pais. Ille esseva le organisator del "Arbeitseinsatz", lo que significava que on ha arrestate centomilles de mi compatriotas pro ir travaliar como sclavos in Germania. Ille ha organisate le deportation de 100 000 compatriotas judee (i.a. un familia judee con tres infantes de mi etate que esseva nostre vicinos le plus proxime) al campos de extermination in Germania e Polonia. Ille ha ordinate sempre de novo le fusillation de hostages (homines e feminas INNOCENTE!), etc., etc. In le grande processo de Nurnberg Seyss-Inquart esseva inter le condemnatos a morte. Alora, le 16 de octobre de 1946, on le ha executite con 10 altere criminales de guerra. Un morte ben meritate pro un homine detestabile! Salutes de Piet Cleij www.interlingua-nl.com