d[020320] x[Kiviaho Allan] z[KivA-23Jhm UMI-XV FIN interlng il_strat] s[Re: Le rolo international de anglese] [log in to unmask] [log in to unmask] UMI-XV FIN Estimate Cavallerinas e Cavalleros interlinguese! Richard W. Sorfleet, Québec, Canada ha scripte in le "PANORAMA 15(2002):1 (Januario-Februario) p 9 un lettera de lectores con rubrica ================================ Le rolo international de anglese ================================ Ecce mi commentarios. --------------------------------------------------------------- Richard W. Sorfleet (RWS): Mi collega Allan Kiviaho discute le rolo international del anglese (PANORAMA, maio-junio 2001). Ille describe quatro rationes proque le anglese non deberea esser seligite como un lingua international. 1. Le lingua scripte: Sr. Kiviaho non mentiona le difficultate del orthographia traditional del francese [1], que es le sol competitor pro esser le lingua national universal o al minus pan-europee. ------------------------------------------------------x-------- Allan Kiviaho (AK): Le orthographia/pronunciation del francese es multo plus simple e consistente quam illo del anglese. Harleigh Kyson Jr. ha scripte in le PANORAMA maio-junio 2001, p 18, que "Le anglese ha 1100 differente manieras pro symbolisar su approximamente 40 phonemas (le numero exacte depende principalmente del dialecto que se analysa). Le francese ha 250 combinationes differente pro symbolisar le 32 phonemas del lingua." E le finnese ha 18 graphemas pro 18 phonemas si on ignora le prestate parolas estranier. [1] Io non ha propagate pro le francese como un lingua commun pro uso practic in Europa. De facto io non ha propagate pro ulle lingua national (mesmo non pro le finnese) pro iste rolo sed INTERLINGUA! Io ha plure vices scripte que le Union Europee debe se defendar contra le hegemonia del anglese e etiam contra un "nonsacre triumvirato de hegemonistic linguas granfraternal"; le anglese, francese e germano. --------------------------------------------------------------- RWS: 2. Un pronunciation obscur: Le claritate del linguas romanic es fictive. Lor pronunciation non differentia inter cata parola e illo se reduce a phrases partial. Le anglese como le germano es ben accentuate e clar. [2] ------------------------------------------------------x-------- AK: An Richard Sorfleet seriemente mantene que le pronunciation del anglese es plus clar como illo del italiano o espaniol? Pro exemplo: 33e es pronunciate in angloamericano "thöödidööd", in interlingua TRENTATERTIE, 44e - - - - "foodifooth", - - QUARANTAQUARTE. Julius Caesar es pronunciate in angloamericano "Dzhuliös Siisö(r)", SPARTACUS como "Spadögös", mesmo "Spadägäs". [2] Interlingua es ancora plus clar quam le linguas romanic proque in interlingua on ha prender in consideration etiam le EUPHONIA del lingua. --------------------------------------------------------------- RWS: 3. Un lingua non-europee? Alora, nostre parve insula [3] non es geographicamente in Europa? E dunque le lingua non pote esser europee? Con le plus grande numero de parlatores del espaniol e del portugese essente in le "nove mundo", le nationes iberic non pote considerar se como europeos per iste logica. Qui es europee? [4] ------------------------------------------------------x-------- AK: Io scribeva "Anglese non es un lingua europee sed un lingua transatlantic (mesmo le Canal Anglese es parte del Atlantico ...)". Io habeva confidentia que iste phrase haberea essite comprendite como un burla. Forsan solmente un semi-burla proque le lingua que menacia le identitate europee es plus le angloamericano quam le anglese de Oxford o Cambridge. [3] Io pensa que tu, como un canadiano, deberea scriber VOSTRE insula. O an tu opina tu insula (America del Nord) - iste insula non es multo parve ... [4] Il non es certe si le Rege Unite unquam va devenir un stato que es vermente un stato loyal europee. Illo non usa EURO e non es membro del UME (Union Monetari Europee). Un alliato plus natural pro le Rege Unite a causa de factores linguistic e historic es forsan le Statos Unite quam le Europa continental. Espania e Portugal son bon statos europee, illos son paises continental e membros del UME. "Qui es europee?". Le grande Gazi Mustafa Kemal Atatürk diceva que un turc es cata persona qui ipse dice: "Io es un turc". Gazi Allan Kiviaho dice: Un europeo es cata persona qui ipse dice: "Io es un europeo!". --------------------------------------------------------------- RWS: 4. Le aggression cultural del SUA: Le vehiculo del aggression cultural es le anglese, dunque nos [VOS? - AK] non pote usar lo. Un vision del terror transatlantic nos [VOS?] menacia. Proque prefere alora le juvenes europee parlar le anglese? [5] Forsan, proque illo es plus neutral sin le bagage politic de un continente troppo frequente in convulsiones de un guerra. [6] ------------------------------------------------------x-------- AK: [5] Proque le aggression massive del Statos Unite con su grande machineria de media, reclamo etc. In Europa tal conglomeratos como le alliantia pro 10 annos inter le Coca Cola, Disneyland Corporation e MacDonalds confronta in Europa un fagotto de comparativemente parve paises. Illo es proque nos besonia un forte Union Europee. Francia como sol defensor del cultura europee non es assatis forte contra un superpotentia magnific. Un historia horripilante era le competition finlandese pro le Concurso de cantos popular de Eurovision. 10 cantos de 11 era cantate in anglese. Omne iste cantos era multo monotone e routinari, illos sonava como un medie de omne cantos in le historia del concurso de Eurovision, compilate per computator. Un del cantos era cantate in italiano, un exception fresc cantate per un belle dama qui era un bon cantator. Sed iste canto recipeva a pena un puncto. Le stationes de radio finlandese diffunde quasi solmente musica american. Le massas finlandese non cognosce le musical traditiones europee multissimo ric, super toto in Europa del est. Le junk music, junk entertainment, junk cinema, junk food ha corrupte le cerebres de nostre juvenitate. Evelia, Europa! Multe illumination es necesse. [6] Si tu intende le guerras mundial, etiam Britannia e le Statos Unite ha participate a iste "convulsiones". --------------------------------------------------------------- RWS: Un factor sempre oblidate in iste discussiones infructuose per interlinguistas fervente es que commentario negative contra le anglese es un commentario contra un parlator cuje lingua maternal es le anglese. ------------------------------------------------------x-------- AK: Io solmente lucta pro interlingua como un lingua desirabile como lingua commun pro cosas practic in Europa, non contra personas qui ha le anglese como lingua maternal. Fortunamente le anglese es multo vulnerabile a causa de serie defectos in iste lingua. --------------------------------------------------------------- RWS: Le anglese non es solmente un lingua secunde international impersonal, ma anque un lingua maternal del qual il ha equalmente un feritate, un historia, un placer de utilisation, e un cultura. ------------------------------------------------------x-------- AK: Tote le linguas national (le germano, francese, italiano, espaniol, russo, turc ... mesmo finnese) ha su "feritate, un historia, un placer de utilisation, e un cultura" sed illo non face los plus eligibile quam le interlingua como un lingua commun pro cosas practic proque illos non son neutral. --------------------------------------------------------------- RWS: Le argumentos pro le utilisation de interlingua intra le Union Europee son dunque invalide e frivole. Bruxelles va seliger le anglese pro su lingua de travalio [7], non per le aggression cultural del SUA, non per le accidentes del geographia, ma per su efficacitate [8] e per le veritate que le historia continental europee se ha provate que su statos prefere dominar le uno le altere, cultural- e linguisticamente [9] e su nivello del cooperation linguistic es le traduction in proportiones equal in 12 linguas de non passar le ferro sur le camisa quando on lo porta. ------------------------------------------------------x-------- AK: [7] Richard, qui es tu pro dictar que lingua Bruxelles va seliger? E.g. Germania e Francia furiosemente oppone le hegemonia del anglese in Europa. [8] Que efficacia? Si, efficacia in facer propaganda, non efficacia linguistic. [9] E le Statos Unite (e Grande Britannia antea in su historia) non ha tal tendentias? --------------------------------------------------------------- RWS ha etiam scipte alterubi: Io non pote comprender su commentarios que le anglese non es capace de exprimer nomines proprie ab altere linguas europee. Ille non da exemplos [4]. Berlin es Berlin [5] assi que le spaghetti Bolognese. ------------------------------------------------------x-------- AK: [4] In PANORAMA on manca spatio pro longe scripturas. [5] Berlin como pronunciate non es Berlin in anglese sed "Böölin", Turku non es Turku sed "Töökyu", Ivalo non es Ivalo sed "Aivölou", Russia non es Russia sed "Rashö". Mi sposa e io ha sovente visitate Turchia. Nos habeva un libro anglese pro peregrination in le montanias. In le plus linguas europee le nomines de locationes son pronunciate como in turc sed in anglese le cosa era completemente differente: Nomine e pronunciation in turc e linguas europee, Pronunciation in interlingua includente anglese -------------------------- ---------------- Arif Arheef Arikanda Arheekanda Beldibi Beldeebee Belkis Belkees Derindere Derreendereh Finike Feeneekeh Kale Kahleh Korkuteli Korkutelee Kumluca Kumlooja Kurshunlu Shelalesi Kerhshunloo Shuhlallesee Kuzdere Kuhzdereh Kyeanea Kyeeaneeya Limyra Leemeera Myra Meera Oluk Oluhk Phaselis Faselease Serik Sereek Side Seedeh Sillyon Seelleeyon Tekirova Tehkeerova Termessos Terhmessos Ulupinar Ooloopeenar No! Io non opina que nos besonia e deserva tal lingua como le anglese como un lingua commun in Europa. Le anglese debe esser un lingua inter le alteres, non plus, non minus. ============================== Un question a Richard Sorfleet ============================== Proque tu es occupate con le interlingua si tu opina que le lingua franca de Europa deberea esser le anglese? In plus, como un non-europeo tu a pena ha derecto a dictar que es le lingua commun pro uso practic in Europa ...! ================== IDENTITATE EUROPEE ================== In le summitate del Union Europee in Lissabon in 2000 era pronunciate le declaration que Europa debe haber in 2010 "le plus competitive e dynamic economia del mundo, que se basa a information e que pote sustener le tenace crescimento economic, crear nove e melior postos de travalio e meliorar le solidaritate social". Europa es un continente que ha multo plus grande population quam le Statos Unite. Europa ha anque un alte nivello de education. Pro attinger un paritate con le Statos Unite Europa debe unir a un forte stato federal sub un lingua commun pro cosas practic: INTERLINGUA! SIRNE - Sacre Imperio Roman del Nationes Europee Sed Europa debe anque defendar su diversitate cultural e lingual: Unite in diversitate! Europa debe esser lingualmente juste e equal. Pro isto es le lingua anglese un grande menacia. - - - Amicalmente Allan Kiviaho Interlingua: Aut vincendum aut moriendum! Vincemos o morimos! In GODe we trust! ============================================= Kiviaho Allan SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua Kivimäentie 16 E. FIN-01620 VANTAA. Finlandia [log in to unmask] http://www.kolumbus.fi/allkiv http://www.interlingua.dk/2001.htm http://www.interlingua.com Tel. + 358 - 09 - 898 720 GSM + 358 - 050 - 3616 759 =============================================