Io ancora lege INTERLNG, mais io face pauc messages a illo proque io ora ha multe altere cosas a facer. Io ha le secunde edition de Confluentes preste a prender al venditor de copias. Illo contine un articulo per Leland Yeager super le Romaniano como un dialecto de interlingua, un articulo super Lisa Lopes (con photographo), e un traduction de un section de un libro per Gilles Fauconnier super le formation de amalgamas conceptual per via de metaphoras e mappares de dominios familiar a dominios nove. Si il ha alcun lectores de INTERLNG qui habita CANADA, le Statos Unite, o Mexico, invia a me tu adresse (direction) e io va inviar te materias pro junger le nove Societate American pro Interlingua, tal que tu pote reciper Panorama e Confluentes. Stanley Mulaik Presidente del Societate American pro Interlingua (SAI) Redactor de Confluentes