Le observation de duo nove stellas ha facite conjecturar al astronomos qui
existe un nove typo de materia usque nunc nunquam observate e un nove
classe de stellas: le "quarks"
Analysante per le station de observation a radios x Chandra duo nove
stellas, le astronomos ha discoperite que le duo corpores habeva
characteristicas differente in comparation al stellas de neutron, cuje categoria
semblava pertiner.
Le stellas de neutrones son le restos de immense explosiones de supernovas,
un stella que se pulverisa e que retene un nucleo compacte, plus dense de
omne objecto cognoscite, excepte le foramine nigre. Le duo corpore celeste que
Chandra ha observate, totevia, fuge a omne classification.
Iste stellas son plus parve de un stella de neutron normal e illos son
multo plus calide de quanto illos deberea esser, in relation al leges
physic cognoscite. Iste datos ha facite conjecturar que il se tracta de stellas
componite per quarks, o crystallos de particulas subnuclear e non de
neutrones.
Explica Jeremy Drake, astronomo del centro Smithsonian pro le astrophysica
del Universitate de Harvard: "Ambes presenta characteristicas que sembla
contradicer lo que nos sape re le materia".
Le quarks son considerate le particulas fundamental que constitue le
materia. Illos se combina pro formar le particulas subatomic de base, le
protones e le neutrones. Ma usque a hodie illos ha remanite multo
fugiente, multo celate al observation: illos appare pro un fraction de secunda
quando in laboratorio se verifica determinate conditiones, quando i.e., le
nucleos atomic collide le unes le alteres a altissime velocitate.
Le physicos ha theorisate que le quarks son le restos del formation del
universo e que illos remane al presente in le cosmo. Le datos de Chandra, pro le
prime vice, da un demonstration de lor existentia in natura, etsi le expertos ha
invitate al prudentia: on volera ancora multe altere observationes pro
comprender si il se tracta effectivemente de stellas de quarks.
Luca Ghitti