Car amicos,
Desde alcun dies un amico svedese, Erik
Enfors, e io ha usate le programma iFinger (www.ifinger.com) in le "30 days trial" con exemplos de lor
dictionarios.
Nos ha tractate iste thema in iste foro in
connection del subjecto "Le futuro de Babylon Translator in nostre usage". Le
firma Babylon non ancora ha respondite mi questiones re lor intentiones
in mi message un septimana retro.
- Post le installation del iFinger appare in
le angulo superior dextere un parve rectangulo Normalmente
indica le fenestra le parola al qual tu ha positionate tu muro. Isto es un
function que es nominate "mouse over". Ma il non sempre eveni rapidemente. Tu
recipe un explanation de iste parola post cliccar al "oculo" in le rectangulo
con le muro. Un condition es que fenestra ha indicate que il existe alcun
information. Le symbolo al ultime dextere es pro configurar iFinger pro tu
usage. - A prime vista le systema sembla esser elegante. (In Babylon tu es
obligate a marcar le parola de interesse e premer un combination de claves de
tu muro pro reciper un responsa.) Ma nonobstante iFinger non es commode a
operar. Tu es obligate a lassar le texto actual e mover le muro al "oculo" e
cliccar lo pro obtener le information. Il ha anque altere disavantages
....
-
iFinger non functiona in Macintosh (como
anque non Babylon). Il ha anque limitationes a operar intra le systemas
operative de Windows. Como tu pote constatar del pictura infra le iFinger
functiona in un maniera assatis simple in le Windows Explorer. In altere locos
como p. ex. Outlook o textprogrammas illo non functiona tal simple in le
systemas operative Windows 2000 Professional e Windows NT 4.0. In tal systemas
tu es obligate a duple-cliccar al parola, lassar le muro e usar ambe tu manos
pro cliccar Ctrl + F11 pro trovar un responsa. - Al minus io que usa W 2000 le
iFinger non es attrahite de tal operationes
disturbante.
- iFinger non functiona in mi browser Opera
(le ultime version) e io non ha probate alteres
- Il non es possibile a comprar solmente le
"motor a cercar" de iFinger. Solmente in combination con lor altere productos
(generalmente dictionarios)
- Il es possibile a construer su proprie
dictionarios intra le programma iFinger e le functione nos sembla bon. Ma, de
novo, si nos emplea isto nos nos face in dependentia de iFinger. Exactemente
como con Babylon.
Io attende un responsa de alcun questiones a
iFinger ma on me non ancora ha respondite. Non importa. Erik e io ha nunc le
experientia que nos non vole recommandar usage del programma iFinger inter
nostre membros in Svedia.
Un remarca final - o forsan un sonio - vamos
construer nostre proprie programma pro construer, rediger e usar nostre
dictionarios!
Mi optime salutes
Janne