Il telespectava heri nocte, 25/6/02, un programma in The Learning Channel appellate “Back from the Dead” (Retornate del Morte), que includeva le historia del tigre tasmanian o thylacino(photo ci http://www.geocities.com/thylacene_2000/Thy3.JPG). Como isto es un historia tristissime! Le animal era un belle creatura de Australia. Illo era un marsupial, tal como le kangaru e altere animales australian. Illo pareva como un can o lupo con le gambas posterior de un kangaru e con un bursa (pro su proles). (Visita iste sito pro apprender plus del thylacino in anglese… http://www.naturalworlds.org/thylacine/index.htm o iste sito in espaniol http://www.iespana.es/esencia/esencia21/Actual.htm) Le colonistas european qui habitava Australia del West e le isla de Tasmania los chassava usque extinction. Le ultime thylacino, un feminina, appellate in error “Benjamin” (evidentemente le functionarios del zoo non pote recognescer le differentia in le sexos!) moriva le 7 septembre, 1936 in un parve cavia in le Zoo Hobart in Hobart, Tasmania. Tote isto proque le colonistas credeva que iste animal occideva lor oves. In le annos sequente, on ha discoperite que il plus probabilemente non era le thylachinos ma le canes feral que occideva le major parte del oves. Actualmente un gruppo de scientistas del Museo Australian de Melbourne sta a essayar de clonar le thylacino, del ADN de un thylachino de 6 menses de etate preservate in le decennio del 1910 in un solution de alcohol. Illes spera resuger le specie thylacinin per clonar le ADN, crear nove chromasomas e insertar los a in un cellulo de un diabolo tasmanian. Il ha al minus septe specimenes similar preservate in museos in varie partes del mundo del qual illes pote obtener ADN in le futuro. Le scientistas ja ha succedite in crear lineas de ADN. Postea illes travaliara pro crear le chromasomas. Illes spera que illes pote complir le projecto e producer un thylacino in le anno 2010, 74 annos post que le ultima moriva. The Learning Channel/Discovery Channel emittera un altere programma super iste projecto appellate, “Fin del Extinction: Clonation del Tigre Tasmanian”, a 155 paises le 11 julio, 2002. _________________________________________________________________ Join the world’s largest e-mail service with MSN Hotmail. http://www.hotmail.com