Le 20 Jun 2002 00:53:03 -0500, Jacques Dehée scribeva: >Mi presentia interlingual ha rationes positive, e io volerea exprimer >cosas positive altere que reponsas fortiate a Kjell, ma como escappar a >Kjell ? Car Jacques, Nos non ha incontrate nos anteriormente, mais io ha essite un abonato de iste lista pro duo annos e medie. Iste lista es un medio de communication international, in que se misce multe diverse culturas e nationalitates. Per consequente, le miscomprehensiones occure facilemente, e io crede que isto es un exemplo remarcabile de un tal malfunctionamento in le communication. In le modo in que io lo legeva, Kjell scribeva simplemente que ille ha difficultates a maestrar le francese scripte. Il esseva un expression de un experientia personal. Io non crede del toto que ille intendeva un provocation. Si on se senti offendite per lo que un persona scribe, il es recommendabile assumer un miscommunication e non malignitate, e demandar un clarification. In 99% del casos, iste assumption es plus proxime al veritate. Infortunatemente io non ha habite le tempore de participar activemente in le ultime memses. Totevia io continua a leger le messages con interesse e io spera que tu vole continuar a participar. Un benvenita retardate mais cordial, - Martijn (Hollanda)