Ecce proque al estraniero on parla mal del
italianos! :-)
SOCIALISMO:
Tu ha 2 vaccas. Tu vicino te adjuva a occupar te de
illos e tu divide le lacte con ille.
COMMUNISMO:
Tu ha 2 vaccas. Le governamento te los prende
e te provide le lacte secundo tu necessitates.
FASCISMO:
Tu ha 2 vaccas. Le governamento te los prende e te
vende le lacte.
NAZISMO:
Tu ha 2 vaccas. Le governamento prende le vacca
blanc e occide illo nigre.
DICTATURA:
Tu ha 2 vaccas. Le policia te los confisca e te
fusila.
FEUDALISMO:
Tu ha 2 vaccas. Le feudatario prende le medietate
del lacte.
DEMOCRATIA:
Tu ha 2 vaccas. On vota pro decider a qui
attende le lacte.
DEMOCRATIA REPRESENTATIVE:
Tu ha 2 vaccas. On vota pro qui decretara le
persona que decidera a qui attende le lacte.
ANARCHIA:
Tu ha 2 vaccas. Tu lassa que illos se organisa in
autogestion.
CAPITALISMO:
Tu ha 2 vaccas. Tu vende un vacca pro acquirer un
tauro e haber del vitellos con le quales initiar un elevamento.
CAPITALISMO SALVAGE:
Tu ha 2 vaccas. Tu macella le primo e tu obliga le
secundo a producer tanto lacte como 4 vaccas. Al fin tu licentia le obrero
que se occupava de illos, accusante le de haber lassate morir le vacca pro
fatiga e consumption.
CAPITALISMO IN STYLO BERLUSCONIAN*:
Tu ha 2 vaccas. Tu vende 3 de illos al tu societate
quotate in bursa utilisante litteras de credito aperite per tu fratre sur tu
banca. Postea tu face un excambio del litteras de credito con un participation
in un societate submittite a un offerta public e in le operation tu gania 4
vaccas, etiam beneficiante de un detraction fiscal pro le possession de 5
vaccas. Le derectos re le production del lacte de 6 vaccas son trasferite per un
intermediario de Panama sur le conto currente de un societate con sede in le
insulas Cayman possedite clandestinmente per un actionista qui revende al tu
societate le derectos re le production del lacte de 7 vaccas. In le libros de
contabilitate de iste societate figura 8 ruminantes, con le option de
acquisition pro un ulterior animal. Intertanto tu ha abbattite le 2 vaccas nam
illos pollue e pute. Quando tu risca le arresto, tu deveni le Presidente del
consilio (Prime ministro).
* Silvio Berlusconi es le actual prime ministro
italian.
Luca Ghitti