Jacques Dehée wrote: > ***************************************** > Interlingua desde su creation era vestite > con le fallimento de esperanto. > > Unir se ora con esperanto serea confirmar > al mundo iste vestimento de fallimento. Quanto al linguas ethnic il non es mal saper plus de illos. Ego nunquam ha audite que alcuno pensa que ego es un traditor de anglese pro que ego anque sape un poco de germano o polonese, e al mesme maniera ego suppone que il pote esser un bon cosa si on anque sape esperanto o ido al latere de interlingua. Collaboration non es necessari. Ego videva le avantage de interlingua pro me personalmente in isto que illo essera utile a me, mesmo si ego sia le sol parlator de interlingua in le mundo. Pro me interlingua es como un fenestra aperte a altere linguas e - ancora pro me - esperanto es como un fenestra que on fermi pro non admitter aer fresc del ambiente e sider in le suffocante internitate del camera esperantic, calide e comfortabile, ma sin le frescor del extero. > E le ver calculo presente del esperantistas > verso Interlingua es altere, > probabilemente crocodilesc. Isto ego non ben comprende. Poterea tu amplificar le explication! Kjell R