Heri, io e mi sposa veniva proxime a perder nostre granfilia, Madeline, quando illa quasi necava in le piscina al subdivision de casas de mi filio e su sposa in Canton, Georgia. Mi filia affin, Lori habeva prendite su duo filias Madeline 2.5 e Mallory 5 al piscina con duo neptas e un nepto visitante. Al fin de natar, illes dicedeva a quitar le piscina. Le neptas e Mallory vadeva al automobile ubi Mallory esseva installate in su sede de securitate. Lori pensava que illes tamben ha prendite Madeline con illas. Illa diceva a illes que illa voleva natar brevemente illa mesme. Subitemente un femina al piscina critava "Il ha un baby al basso del piscina!" E alcuno saltava in le piscina e prendeva le corpore de Madeline, un bellissime puera, de a basso al latere del piscina. Illa esseva cyanotic e inconsciente. Mi filia affin, Lori esseva totalmente distractate e critava. Mais un femina immediatemente faceva Madeline vomitar le aqua in su stomacho e procedeva a administrar le resuscitation bucca a bucca. Illa reviveva partemente. Alcuno telephonava le numero de emergentia 911 e le equipa de salvatores medic arrivava presto e adminstrava le oxygeno. Alora le salvatores medical prendeva Madeline al hospital, que fortunatemente non es plus que 5 minutas distante. Mi filio, Roberto, telephonava nos que ille ha recipite un message de telephono de su sposa que Madeline ha necate mais ha revivite partemente e que nos debe vader immediatemente a su casa. Nos lo faceva. Quando nos arrivava a lor casa circa 30 minutas plus tarde, solmente le neptas e nepto e granfilia Mallory esseva la. Mallory esseva totalmente perturbate e plorava multo. Nos la calmava. Post alcun tempore, io me conduceva al hospital. Io debeva attender, mais le receptionista diceva que Madeline esseva O.K.. Post 20 minutas io peteva permission a vider mi filio e filia affin e Madeline, e illes lassa me vader. Justo a iste momento mi altere filio, Stephen arrivava. Su fratre habeva telephonate le. Quando nos intrava le camera de tractamento, mi filia affina teneva Madeline in su armas. Madeline appareva submittite e quiete, mais io notava que illa spectava con su occulos lo que occurre in le camera. Isto esseva bon. Un radiographia monstrava necun aqua in su pulmones. Apparentemente illa ha tenite su respirationes. Alcuno diceva que le doctor diceva que a vices le larynx se crampa que preveni le aqua de intrar le pulmones. Mais illa esseva inconsciente quando recovrate del basso del piscina. Io specula que illa non esseva in le aqua plus que 4 o 5 minutas. Lori specula que quando Madeline sequeva su neptas illa ha stoppate al latere del piscina a mirar lo e ha cadite in le piscina. Necuno ha vidite isto. Fortunatemente il habeva un persona a la qui la videva e sapeva le resuscitation bucca a bucca. Le accidente occurreva circa 1300 horas e le hospital lassava Lori e Roberto prende Madeline a casa a circa 1730. Illa dormiva un poco, mais post plure horas illa esseva bon de novo. Illa vomitava plus aqua de tu stomacho, mais quando Lori voleva poner la in le banio, illa timeva que Madeline timerea le aqua. Non de toto! Illa batteva le aqua e diceva a Lori, "Vide, Mama, io nata!" Io spera que illa apprende natar tosto. Stan