Jay Bowks wrote: > From: "Kjell Rehnstrom" <[log in to unmask]> > > Si illo non es rupte, non repara lo, > > como le americanos dice, un multo sage > > dicto in facto. > > Ma tanto in quanto si Stan > vole usar -izar in vice de > -isar, illo es toto ben secun > su optiones collateral ;-) > jam como tu diceva, ma > esque toto isto poterea > melior esser discutite in > le coollist? > > Jam como tu dice etiam, > Kjell, Interlingua non es > rumpite, ma secun le > optiones presente on > pote exercer complete > libertate in facer isto o > illo... isto e aquello es > un altere subjecto, claro. > > Vamos al Coollist amicos, > Con reguardos amical, > Jay B. Si, vamos a la cool list con nostre cosas linguistic. Le signalo "Vamos a la..." me face in plus pensar del meraviliose tempore que il face ci in Svedia. Il ha temperaturas super 25 C cata die, e malgrado que il ha alcun cumulos hodie, le tempatura es delectante. Si ego ha demonstrate un micritate de presentia in le listas, isto depende del situation meteoroligc. Ego inhala le estate in plen pulmatas, ego lassa le sol jectar su radios a mi corpore (tanto que on pote discoperar sin esser appellate nudista e esser inviate a un campo pro nudistas!). Le terra, le petras del stratas se senti verso le plantas del pedes, e on gaude de cata passo. Foras es le tempore del hiberno con le multitude de vestimento, le tempestas nival que ulula verso le aures, le frigiditate que mastica le partes del pelle que es exponite al frigor! Ma jam le sol se bassa e non plus visita mi cocina del matino, illo face sempre plus basse curculos super le horizonet (ego sape que es le terra que se move circum le sol, ma nostre sentimentos e sensos ancora non ha apprendite isto!) Le tenebras del noctes ha retornate, on debe accinder le lampas al vespere. Le noctes ha de novo devenite noctes e non ver vesperes que transi impercipibilemente in matinos, albas! Bacas nigre e myrtillos vitae idea orna le silvas pro le interessatos, e il ha fungos de varie species pro le expertos. Le temperatura batte recordos post recordos, e il es agradabile viver. Kjell R