From: "Dumitrescu Cristian" <[log in to unmask]> > Assi es interlingua, un lingua meravilliose, sed non > nascite in le mundo (diffundite ultra su > matre-gruppo). > Optimisticamente, > Cristian Car amicos, Io non trova pessimismo in quanto a Interlingua. Io vide como illo in poc annos ha essite diseminate per le internet e pare haber uso constante in le listas de discussion. Pro nos qui lo usa, Interlingua, iste lingua belle e international, es un maniera de exprimer nostre pensatas a cata uno, cosa que nos poterea facer plus dificilmente si nos usava "anglese" le qual es un lingua matre de varios membros del listas ma non de multos de nostre amicos. Assi, pro medio de Interlingua nos ha un maniera de parlar le qual non es proprietari a necuno del usatores, nos dice sovente al listas, Interlingua es multo como le italiano al buccas del italianos, o Interlingua es multo como espaniol ab le buccas del amicos hispanoparlantes, o le amicos de linguage francese dice nos pote comprender lo multo facilemente, e illes qui parla anglese dice nos apprendiva lo multo tosto in comparation con altere linguas estranier... Proque? Le ration es que nos trova iste lingua multo "natural" proque il es basate sur le "naturalessa" del linguas moderne que descende ab le latino. Assi nos omne lo usa como un extension de nostre forma de exprimer nos, como un extension a nostre brachios pro poter attinger plus ultra que nostre linguas matrin nos lassa contactar, pro medio de interlingua nos stringe manos con qual nos forsan non haberea contacto jammais, ma gratias a Interlingua nos cognosce un al altere, veni a appreciar nostre differentias e nostre humanitate commun, nostre gustos e disgustos, nostre eventos gaudiose e nostre pavores, nostre felicitate e nostre tristessas. Interlingua es un ponte. Non cade al aqua! Fin del sermon, :-))) Con amicitia pro totes gratias a Interlingua, le lingua belle, Jay B.