On Thu, 7 Nov 2002 15:55:46 +0100, Daniele Nicolucci (Jollino) <[log in to unmask]> wrote: >Io non scribe ab un pauc de tempore... sed ora io reveni con un >provocation: que facerea vos, interlinguistas passionate, si le >Com[+m]unitate Europee decideva que Esperanto es le lingua auxiliar plus >e[c->x]cellente, e pro iste ration, illo es un del lingua[+s] in le qual le >documentos official del Com[+m]unitate essera scripte? E si Esperanto >deveniva officialmente recognoscite como lingua auxiliar m[o->u]ndial? Salute Jollino, placente audir de te :) Io continuarea a practicar interlingua proque iste lingua pro me ha un valor inherente, e practic (comprensibilitate a prime vista a multes) e esthetic/personal (un belle e elegante concretisation del hereditage linguistic paneuropee, con que io senti un affinitate emotional, e in que io lo trova facile exprimer me). Le acceptation de esperanto, anglese o qualcunque altere lingua como official non pote cambiar iste beneficios a me. Per consequente, tu provocation non pote provocar me - pardono :) In addition, io apprenderea probabilemente Esperanto proque in tal caso io haberea un ration altere que communicar con le existente communitate de esperantistas, in le qual io non ha specialmente un interesse (mi desiros de communication international ja essente satisfacite via altere canales). Finalmente io continuarea le promotion de interlingua como io lo face ora - sin ambitiones excessive e al nivello personal. Infortunatemente iste discussion es academic, proque al momento le chance que le UE, multo minus le mundo, va acceptar qualcunque lingua auxiliar international como official es precisemente zero. :( - Martijn P.S. Io spera que tu apprecia le parve correctiones de orthographia.