On Mon, 23 Dec 2002 08:47:27 +0100, Kjell Rehnstrom <[log in to unmask]> wrote: >Il es un facto lugubrificante que le sol commentos >de mi articulos in re le immigrantes svedese in >Espania ha essite opiniones in le cool list in re >iste o altere forma de iste o ille parola in le >texto. Al minus iste reactiones se ha relegate al collateralista/coollist, al qual illos pertine. In plus, iste lista ha un function de exemplo pro novicios e pro isto il es importante que le non-novicios monstra un usage correcte. >Il ha personas in le lista qui vive in paises ubi >il ha immigration de varie partes del mundo e tal >reactiones poterea haber jectate un certe lumine >al cosa. Le immigration es un thema de discussion inflammatori como le religion, specialmente in iste dies quando le extremitate dextere face grande progressos quasi ubique in Europa. Possibilemente il non ha personas qui vole riscar un combatto verbal. [Nos in Nederlandia certemente ha experimentate le progresso del dextrere con le Fortuynistas - e nos ha massivemente regrettate le resultante circo politic que ha causate grande damnos a nostre reputation international. Pro le proxime electiones post-cadita-governamental le 22 de januario se predice un cambio massive al sinistra; le Partito Social- ista, quasi-communistas, es ora multo popular. Io time que isto non va esser melior.] E un altere possilitate es que il non ha personas qui ha multo a dicer super le thema de immigration, como io. Mi Marie ha immigrate ex Svedia a ci in Nederlandia[*] ma illa non ha jammais experiment- ate alicun problema relative a su stato de immigrante. Al altere latere, isto pote esser debite al facto que illa es del occidente e ha le correcte color de pelle (attention, sarcasmo). - Martijn [*] P.S. Io pensa que iste forma del nomine de mi pais deberea esser valide secundo le analogia de Finlandia e altere -landias e -ias. "Nederlandia" es in uso in le latino classic. In omne caso io lo pensa preferibile a "Nederland" que in Interlingua es un irregular- itate sin fundo prototypic. Responsas a isto in le collateralista, per favor :)