On Sat, 7 Dec 2002 20:36:45 +0000, fabio cicerelli <[log in to unmask]> wrote: >Hallo! > >Io es Fabio Cicerelli, io es de Argentina. >Recentemente io discoperiva Interlingua e io vole apprender plus super >illo. >Io desira que alicuno me recommenda un curso in espaniol que functiona >ben via Internet. > >Multe gratias e a revider tosto > >Fabio Cicerelli. > >PS: mi excusas pro scriber in espaniol. Salute e benvenite al lista! Io ha prendite le libertate de traducer le citato de tu message infra in interlingua. Io spera que le traduction es correcte proque io non parla espaniol. Un del characteristicas quasi mysteriose de interlingua es que illo es plus facile a comprender al hispanoparlantes que vice versa. Le plus bon sito super interlingua in espaniol que io cognosce es http://www.interlang.com.ar/ de Horacio Martinez. Ben que iste sito include informationes multo utile pro apprender interlingua, illo non include exactemente un curso. Totevia le plus bon maniera de apprender interlingua es, post un breve familiarisation initial, de simplemente comenciar a scriber in illo. Io spera que tu participation in le lista INTERLNG essera frequente. Non ha pavor de facer errores! Iste lista existe pro comenciantes equalmente como pro avantiatos. Io recommenda equalmente le sito "Interlingua in interlingua" de Harleigh Kyson (SUA) a http://www.geocities.com/hkyson/ - iste sito ha multe textos exemplar cuje lection te dara un bon intuition super le usages commun de interlingua. E si tu ha questiones specific, non hesita de inviar un message al lista e nos te va adjutar. Optime salutationes e benvenite de novo, - Martijn (28, homine de Hollanda, vivente con sposa Marie e filia Cassandra de 5 menses)