Salute Io etiam vole parlar un pauc re le euro, ci, in Espania, con le apparition del nove moneta le precios ha essite ascendite, e, ab le prime die del 2002. Alcun productos o medios de transportation (bus, traino...) altere annos attendeva alcun menses pro incrementar le precio del billetes, ma iste anno ab le prime die. Altere cosa que occurreva esseva que le incremento esseva plus alte que le de altere annos (3-4 %), iste anno in alcun casos esseva del 66 %, non le plus usual ma, per exemplo, il habeva machinas automatic pro comprar parve lattas del alcun alimentos pro aperitivo (olivas, arachides, fructos sec...) que passava de 100 pesetas (0,6 euros) a 1 euro (166,67 ptas), le mesmo apportava con omne machinas de tote typo (m achinas a lavar autos, etc...). Le incremento de precios ha essite scandalose ma le governamento de Espania, le mense de januario, cambiava le systema pro calcular le incremento del IPC ("Indice de precios al consumo") e metteva como valor valide pro iste calculo le abassamento de precios in le vestimentos que occurre omne le januarios post le Natal, assi le Governamento Espaniol succedeva moderar le incremento official de precios. Sed nos anque ha habite alcun avantages con le nove moneta, io habita a 20 km del frontiera con Francia e io ha potite comprar ibi con le euro, etiam, in le centro commertial de Irun (ubi io labora e citate que es in le frontiera) il ha multe franceses que mangia e face lor compras. Anque nos, le interlinguistas, ha un nove simplification quando nos vole comprar libros in le servicio de libros del UMI, proque nos es acostumate al valor in le nove moneta e le responsa biles del servicio de libros non besonia cambiar moneta al florino neerlandese proque jam non existe.