Io audiva sabato un multo interessante programma in nostre radio concernente le 40.000 svedese qui habita Espania, circum le loco Fuengirola. Secundo le autoritates espaniol ille svedeses es le minus integrabile gruppo immigrante in Espania. Illes ha su proprie schola e le juvenes non apprende le espaniol. On interviuava tamen un puera qui frequentava un schola espaniol e era multo contente con isto. Le schola svedese sembla dar multo mal resultatos. Le alumnos non ha cognoscentias pro comenciar un gymnasio in Svedia e non pro comenciar un gymnasio espaniol. Alcun 3 o 4 alumnos habeva facite isto durante le ultime annos. Le attitudes al svedeses era multo simile al attitudes que immigrantes incontra ci in Svedia. Proque illes non apprende le svedese/espaniol? Illes roba le juvenes autochtones de telephonos cellular/mobiles etc.... Durante que le svedeses appella immigrantes per le pejorativo "capites nigre" le population espaniol appella le nordicos, scandinavos e angleses, "rubios". "Que le rubios va a casa!" on ha aspergite sur le muros del schola svedese. Tote impression que faceva le narration era multo, como dicer, sordide. E io qui habeva planos de cambiar del hiberno svedese pro un climato plus benigne ubi on pote vader sin scarpas tote le anno... Kjell R