In Re: [INTERLNG] Un anno con le euro, Kjell Rehnstrom considera que "le populo in general vide diminuentias in le benesser providite per le stato como un exemplo de isto. "Illes non pensa plus re le veteres, re le scholas e re le personas sin travalio, illes servi solo su proprie interesses". Tamen il es multo probabile que le partitos _no_ si illos era in un situation plus responsabile, viderea le necessitate de adherer al Europee Monetari Union." Iste elite e iste populo! Io non comprende iste modo de pensar, o melio, io considera que isto es le modo commun de pensar, non solmente al Pais de Kjell, ma in general ubicunque. E totevia io ha difficultate a comprender ubi nos porta iste sorta de nostre protection al poco que nos hodie dispone. Nos dice que le personas juvene hodie debe poner se un scopo que non considera plus un labor como un solution pro le vita. No! Iste personas debera cambiar sovente in lor futuro. Belle prospectiva e nos vive e pretende de viver como si nostre conquistas de nostre annos de labor serea un garantia que necuno, ni alcun facto, debe poner in discussion. Oh, un altere aspecto de mi viver que io non comprende! Super toto si io considera que a vices nos a promittite a nos mesme objectivos que es supra nostre possibilitates. Non sera nos, illes de mi etate, un sorta de c ategoria de personas privilegiate? E ancora Kjell: "Le premier Göran Persson causava un tempesta, quando ille in un intervista de radio diceva que "si on votara contra le accession, on debera in le futuro facer un nove referendum." Io audiva le intervista, e io comprendeva assi, que in le caso de un "no" certo le population in un futuro postulara un referendum vidente le disavantages de non esser intra le union, ma viste que un del occupationes in le medios es misinterpretar, le misinterpretationes veniva "como epistolas per le posta", como on dice in svedese de un cosa certissime. Si, nos attende un anno interessante..." Le mesme Kjell proponeva nos, alcun dies retro, questiones relative al immigration. Reguardo a iste thema io pensava: "Nos manca de dicer un altere grande veritate que es commun al Italia quanto al UE, sin excluder le Statos Unite de America. In nostre Paises il es un facto commun que il es in augmentation le numero del personas qui non ha plus medios bastante pro viver. Il augmenta le numero del personas povre". Como concluder iste considerationes? Io pensa que le ancianos debe revider lor modo de considerar le futuro. Mario