Scribe Kjell R.: >Salute Mario! >Io me gaude de vider te in action de novo! Ha il un organisation national in Italia pro personas con stoma? >In Svedia il existe Svenska Stomiförbundet, Le Federation Stomia de Svedia. Io pote adjutar te con le contactos con illes, si illo te interessa... Il pare que iste associationes sia multo active in tote le mundo. In Italia certamente illos es active. In le sol Region Veneto actualmente on tende a formar un association presso omne grande structura hospitalier. Sabbato passate era le momento de illo a Treviso e participava al nascentia le representantes del association de Mestre (Mestre es le Venetia in le terra ferme, a solmente 22 chilometros ab Treviso. Illes ha jam dece annos de experientia). Io ha comprendite que le associationes es fortemente incoragiate per le chirurgos qui, in le associationismo del voluntarios trava le modo de prestar assistentia in ultra al structuras hospitalier. Io ha comprendite mesmo que le associationes collabora inter illos e le industria del presidios pharmaceutic, gratias al qual io jam adhereva gratuitemente al association national. Internet ha un grande utilitate in le coordinationes e, totevia, le personas qui porta un stoma, non sempre ha un preparation pro le uso del computer. Facto momentanee, io crede, perque al contrario le assistentia medic trovara sempre plus un presentia in le casas private, gratias al computer e a Internet. Omne cosa in su momento plus juste, como sempre. Securmente io sera active in le campo del coordination per Internet, totevia al initio on debe attender que le evelution del initiativas ha su normal curso. Facer troppo pote revelar se negative. Quando le association a Treviso se sera ben organisate, io recordera tu offerta pro le contacto con le Federation Stomia de Svedia. Il poterea revelar se un medio multo practic mesmo pro presentar nostre Interlingua in un latere practic, nonne? A Treviso le association es incoragiate ab le "IV Chirurgia", un reparto multo ben qualificate, como alteres in nostre local structura hostitalier, que es multo active in organisar incontros international que io sape esser multo considerate e multo frequentate. Isto es un characteristica general in Veneto, ubi Padua es le centro universitari pro le medicina plus antique inter illos europee. Le proxime annos se manifestara sempre plus surprendente reguardo al integration inter le populationes. Io lo notava durante mi 36 dies de permanentia in hospital iste anno. Le patientes de origine balcanic, per exemplo, es a nivello de un persona omne dece. Le personas de color es ancora plus numerose. Pro non parlar del Ecclesia Catholic que favori le organisation de moscheas pro le personas de religion mussulman, le secunde religion in Italia, actualmente, pro numero de fideles. Isto non es sempre ben acceptate per le polutation, nonobstante le comportamento del Ecclesia Catholic. Le personas es plus conservator del Ecclesia! Nos vive un momento magic de transition, como in le seculos passate pro nos era facto quotidian in le cosmopolite Venetia. Io senti un grande necessitate de visitar mi Venetia, ora que io ha ganiate mi autonomie de locomotion. Sape tu qual es le novitate de hodie: un frigido mesmo de minus 20 grados centigrade pro ventos ab le Siberia. Un aere sin pollution e un celo de un luminositate meraviliose. Momentos ideal pro ir al ripas del laguna. E totevia io pote facer un sol cosa al vice! Qual peccato! Mario