"Javi Lz. Estévez" wrote: > Salute amicos: > > Le scopo de iste littera es dar vos alcun informationes re lo que ha > occurrite in Espania con le affaire del "petroilero" PRESTIGE (io non sape > como on dice petrolero in interlingua). Secundo mi dictionario io suppone "tanker de oleo", "nave cisterna de petroleo", ma tu proposition (nave) pretrolifere sona acceptabile. Al minus io comprende que tu intende per le parola. Le radio national de Svedia que io generalmente ascolta, reportava del catastrophe. Secundo le radio le autoritates de Espania e Portugal habeva refosate al nave arrivar a un porto. Secundo un experto de navigation maritime que on intervistava, le plus sage action haberea essite que on lassa le nave ir al porto, ubi on poterea plus facilemente pompar le petrolea del nave. In addition a iste nova io audiva ante alcun die que autoritates francese habeva negate le navigation per Le Manche (Le Canal Anglese) de un tanker de petroleo de simile construction que Prestige, i.e. sin duple carcassas, lo que crea un extra risco in un collision con un altere nave o un arenamento (que le nave vade un fundo). In le Baltico, le mar inter Svedia e Finlandia e le paises baltic, on time le navigation de naves a simple carcassas, lo que es multo riscose a un relative micre mar como le Baltico. Kjell R