LATINO: Tum aliud bellum oritur. Consules nomina civium legunt. Cum ad nomen nemo responderat, omnes dicunt libertatem reddendam esse priusquam arma danda, ut pro patria, non pro dominis pugnent. Dictator plebi meliorem condicionem post bellum pollicitus est. Sed, bello confecto, nihil actum est. INTERLINGUA: Tunc comenciava un altere guerra. Le consules legeva le nomines del cives (de maniera que illes poteva reciper lor armas). Nemo respondeva. Omnes demandava lor libertate ante acciper armas, de maniera que illes poteva luctar pro le patria e non pro le classe regente. Le dictator promitteva al plebes melior conditiones post le guerra. Ma, le guerra finite, nihil cambiava. --- NOTA: Iste situation es multo simile al situation social actual del Statos Unite. Nos non ha soldatos conscripte in nostre fortias militar. Nostre soldatos es mercenarios domestic, qui serve in nostre fortias militar proque illes non pote trovar empleos civil. Il es difficile saper quantes ex illes sape que illes lucta solmente pro nostre classes ric kleptocrate, specialmente le corporationes de petroleo transnational, e nostre fabricantes de armas e lor technologia (includente le technologia de armas biologic e chimic) qui ha ganiate multe moneta vendente los a altere nationes del mundo que con le tempore ha devenite nostre inimicos. Multe americanos non comprende le natura de nostre historia imperialistic, que comenciava con le administration de James Polk in 1845. Polk provocava un guerra con Mexico pro robar ex ille pais le parte occidental del Statos Unite. Post un breve periodo de interruption durante nostre Guerra Civil in le prime parte del decada inter 1860 e 1870, nos continuava le disveloppamento de nostre technologia naval, que permitteva que nos vinceva Espania, que non nos menaciava de ulle maniera, e conquireva le Philippinas. Nos promitteva le libertate al inhabitantes del Philippinas, ma nos les decipeva e los conquireva in un guerra cruelissime. In le prime parte del decada inter 1940 e 1950 nos dava al filipinos un governamento "independente", que vermente esseva un governamento cliente nostre, como multe altere governamentos del seculo XX. (Nos prefere governar usante governamentos kleptocrate cliente in vice de nostre proprie administratores [le methodo preferite per le romanos, le angleses, e le franceses]. Assi nos pote mantener pro nostre population le fiction que nos vermente non es un imperio kleptocrate.) Invocante nostre mythologia de democracia e libertate, nos essayava conquirer Vietnam pro su ressources natural. Nostre fortias militar durante ille guerra deveniva corrupte. Le officieros officieros de nostre fortias armate ganiava fortunas in le traffico de heroina, que illes distribueva a addictos in le Statos Unite trans nostre bases militar in nostre territorios national. Il es un del ironias maxime de nostra guerra in Vietnam que nostre drogadictos, criminilisate omnes, pagava multes ex le costos de iste guerra criminal nostre. Soldatos commun sapeva que on les sacrificava pro continuar le guerra de maniera que lor officieros poteva continuar lor inricchimento in le conducta de iste guerra profundemente corrupte, e eventualmente illes comenciava occider lor officieros quando le opportunitate se presentava. Io crede que il es multo regrettabile que le governmento de Washington ganiava nostre guerra civil proque si nos habeva tres paises de origine anglese in le America del Nord in vice del duo que nos ha, il haberea essite impossibile que le America anglese causava le damno incredibile al mundo que illo ha causate usque nunc e etiam nunc causa. Multes ex nos simplemente non pote comprehender proque le major parte del mundo nos odia. Forsan nos debera perder duo o tres de nostre citates--possibilemente Long Beach, ubi vivi io--ante que nos comencia comprehender nostre crimines international imperialiste. __________________________________________________ Do you Yahoo!? Yahoo! Mail Plus - Powerful. Affordable. Sign up now. http://mailplus.yahoo.com