Imagina un skiator qui non ha skis ma ille ha bastones de sciator. Que es isto? Isto es un abulator a bastones (forsan un abulator con bastones) e le cosa que ille practica es ambulatura a bastones. Ego ha practicate isto. Jam alcun dies. Hodie matino ego me eveliava al 05.11. Ego lassava le lecto, me preparava (lavante etc.) preparava un poco de cafe con lacte e postea pappa de avena con yoghurt turc. Le radio informava del sissentia in le consilio de securitate del UN e exter le casa era tenebras. Alcun minutas ante le hora 7 ego lassava le casa. Bastones in manos ego promenava le grande tour que dura un hora plus o minus. A iste tempore il ha tenebras. Ma il non es totalmente tenebrose, nam le lumines del citate face reflexion del celo, ubi le nubes vola basso. On ha le impression que le nubes es auto-luminiscente. Cate un legier pluvia, non nive, nam le temperatura es 2.5 grados Celsius. Ego invia un pensata a Mario, le felice humano qui va in sol a un temperatura de + 11 grados! Ille lo merita! Ego gaude invidiar le! Al mesme tempore ego gaude de non habitar Qaanaq, un multo plus frigide loco. Le nive lumina per su absentia. Isto vos non crede! Ma isto es le veritate. Ben que le meteorologos promitte plus de frigor, illo sembla esser a un durata curte, postea facera de novo calide (In terminos relative, naturalmente). Tal pensatas percurre mi cerebro quando mi bastones frap! frap! tange le terra e mi bottas fra! fra! pressa le gravella. Fla le vento un poco. Le conglomerationes de domos reflecte plus forte lumine in le nubes. On vide le prime signos de lumine, de alba. Le sol humanos que io incontra durante mi giro es le occasional personas qui va al labor o face promenar lor canes. Le avantage del ambulatura a bastones es que on ambulante non solo usa le gambas ma anque le brachios e isto es bon pro le sanitate, dice le expertos. Le exercitio augmenta le temperatura del corpore e quano ego retorna al appartamento ego lo percipe como un sauna. "Menen saunassa", ego pensa in finnese (le lingua del saunas), deprende le bottas, pone le bastones a lor loco apud le porta, prepara un bibita del the del aspalato linear, un arbusto. Multo recommendabile. In Nederlandia illo se appella rooibos. Quando ego scribe isto il ha plen lumine diurne, hmm. plen lumine... Il ha nubes e le ambiente es gris, solo in martio nos habera le claritate del dies que es tanto stimulante. Assi pote comenciar un matino de un persona retirate. Kjell R