Giovedì, 30 gen 2003, alle 10:24 Europe/Rome, Kjell Rehnstrom ha scritto: > Le question es: Esque "nostre" governos vole isto? In mi opinion, le question es: esque un lingua international existe vermente? Como pote un lingua auxiliar esser equalmente interessante pro personas cuje linguas native es completemente differente? Pensa a un chinese: proque ille deberea apprender un lingua tan differente del sue? Forsan Mandarino non es un bon lingua international? Illo es le lingua plus parlate! Pensa a un europeo: proque ille deberea apprender un lingua tan differente del sue? Forsan latino/interlingua non es un bon lingua international? Illo es le lingua super le qual le cultura occidental nasceva! Ma, ancora: pensa a un germano: proque un interlingua latin e non un interlingua germanic? E un interlingua con plus grec? Io ha tentate un projecto de construction de un lingua 'universal', ma illo falliva miseramente: si on va al adresse www.linguamundi.sogno.net, on vide que le forum ha devenite deserte. Io pensa - e io lo dice con tristessa - que un lingua mundial non existe. Linguas natural es troppo differente inter illos, e on non pote crear un altere que es equalmente facile o interessante pro omnes. E, comocunque, quando io parla re interlingua con alicuno, illes semper dice me: "le anglese es le lingua international". E que pote dicer io? Il es ver, ben que anglese non es multo democratic. Io debe usar anglese si io vole communicar con amicos de Hollanda, de Singapore, e anque de Francia, proque non semper illes comprende interlingua. Io apprendera le Sindarin. On non pote nunquam saper si on va incontrar un elfo. Daniele -- Daniele Nicolucci (Jollino) - [log in to unmask] IRC Operator on Discussioni.Org (www.discussioni.org)