Car omnes, Ora il es possibile ordinar libros al Servicio de Libros UMI con cartas de credito, via PayPal. Isto es un compania popular que accepta le pagamentos pro altere comanias e individuales in exacambio pro un parve parte del transaction. Initialmente io ha implementate un systema rudimentari: post reception del factura via posta electronic, clientes pote vader al pagina principal del SdL a http://www.interlingua.com/libros/ e cliccar le button "Paga con PayPal". Io va investigar le possibilitates pro un systema plus avantiate con un "carretta" virtual, que elimina le necessitate de facturas via e-mail, ma io non pote facer promissos quanto a isto. In le interim io ha redesignate le pagina principal; ora le aspecto es plus professional. Io redesignara le altere paginas plus tarde. <reclamo stilo="flagrante"> Alora, ora es le tempore pro totes qui non ha volite ordinar libros a causa del manca de un option pro cartas de credito, a retornar al sito e ordinar le libros desirate. Durante un breve tempore, le precios va includer ancora le costos de expedition! Le expedition deveni sempre plus costose, e iste situation non va durar multo plus longemente. Ordina ora! </reclamo> Alora, como sembla io como commerciante? :) - Martijn