In le radio hodie il era un intervista con un persona qui ha viagiate a Irak pro funger como un scuto human. Isto significa que ille essera occidite si un bomba cate sur le central electric que ille "protege". Un portavoce del organisation Human Rights Watch diceva que si Irak accepta scutos human isto significa que le pais se rende culpabile de un offencia contra le humanitate e pote esser sententionate in Haga al Tribunal Intenational de Crimines in Guerras. Io qui ama le conspirationes pensa que le le humanos scutos pote anque adjuvar USA in haber Irak sententionate a un crimine de guerra! In plus io audiva un reportage concernente un gruppo de 10 neonzais qui vole ir a Irak e militar pro acciper practica al guerra racial futur ! E il se evidentemente tracta de personas totalmente folle! Un altere interessante cosa es que Saddam Hussein (le medios ci sempre appella le assi, non le presidente, SH o le generalissimus SH - o qual titulo ille pote haber) ha proponite un discussion via television con George Bush. Isto certo non occurrera, ma isto es un promittente cosa pro le futuro, quando le lideres va justificar sus actiones coram un opinion mundial. Ma on ha le problema de interpretation, quia io non crede que ni Saddam ni George parla interlingua :-) Kjell R