Car amicos, Hodie io scribeva iste epistola (gastropodic) in in responsa a Harleigh K. Io spera que le situation in Interlng non degenerara al puncto que personas essera excludite o bannite del lista, ma io spera, e preca que le spirito amical tan ben exemplificate in Interlng per tante annos continuara in le futuro. Con reguardos amical, Jay B. Harleigh Kyson Jr. 1425 E. First St., Apt. 9 Long Beach, CA 90802 Car Harleigh: Tu demanda proque io te excludeva del Interlng. E io te responde que io non sape qualque cosa in respecto a tu exclusion del foro pro le discussiones in Interlingua. Io non es le Administrator del lista. Si tu credeva que io esseva le persona in cargo de illo tu esseva incorrecte. Assi que io non pote discuter con te le conditiones pro tu retorno o si tu de facto ha essite excludite ab le lista de posta electronic. Forsan il es toto un error o un problema con le lista. Qui sape? Io definitivemente non sape que occurreva, e tu epistola veni a me como novas de tu exclusion. Ma in quanto a lo que io te pote offerer, ecce alcun de mi pensattas. Per favor non sia intolerante del stylos litterari de altere personas. Dicer que un persona non pare multo educate pote esser comprendite como un insulto "ad hominem", tu comprende isto, nonne? Si tu crede que altere auxilinguas son interessante, per favor invita altere interessatos a formar un altere lista pro ille discussiones o ir a un del altere listas nunc disponibile pro tal discussiones. Io ama le discussion del auxilinguas, ma io essaya non facer lo in un lista dedicate al discussion in Interlingua de IALA. Non crede tu que isto es rationabile? Con iste epistola io anque te invia mi reguardos amical, e mi sperantia de que tosto tu demandas essera respondite o tu retornara al lista de posta electronic si defacto tu esseva excludite per un del Administratores del grupo. Io como jam te diceva non ha iste cargo. Un altere vice io te vole regratiar le grande labor que tu ha facite pro Interlingua in le compilation de tote le textos in tu "Interlingua-in-Interlingua". Continua in facer tal labor pro le belle lingua international, tu ha jam vidite como appreciate illo es per personas que son novicios a Interlingua. Isto es multo laudabile. Sincer e cordialmente, Jay Bowks