"Harleigh Kyson Jr." wrote: > (...) > --- > > Il pare que nos ha le mesme perspectivo sur iste > question. > > Durante mi prime curso universitari sur le > civilisation occidental, le professor nos diceva que > le grande contribution de Ikhnaton e del judeos al > religion esseva le monotheismo. Ille vermente credeva > que isto indicava le progresso in le religion. > > Io respondeva a ille que creder un sol deo esseva un > deception tan grande que creder in un pantheon de > illos. > > Iste candor me costava multo. Le "Christianismo" era a mi annos scholar un facile subjecto, quia on debeva solo sondar le opinion del professor e condivider su opinion con un sufficiente dosa de propre pensatas e le nota era multo bon. In Svedia le religion era statal e in omne scholas on inseniava le christianismo. Le generation de mi genitores (parentes) sapeva cosas como omne le discipulos de Jesu, le nomines del fratres de Joseph e le curte cathechismo de Martin Luther. In mi generation isto era troppo pesante pro le parvules e on se limitava al mer comprension del cosas principal... Ah, on debeva saper le psalmos pro cantar in le ecclesia. Isto era un pesante cosa pro multe infantes, apprender le psalmos de memoria. E isto resta. Io ha probate apprender le cantos in le Cantario de Interlingua ma sin grande successo. Forsan io debera percantar le libro alcun vices e alora io los sapera! Cosas que io non debe apprender io apprende facilemente, ma cosas que io debe apprender es difficile, explica isto, qui lo pote! Kjell R