Con respecto al dimission de André Martinet del projecto de interlingua a IALA, Frank Esterhill ha scribite in su breve historia del Interlingua Institute in Nove York (io traduce in interlingua del anglese): "Martinet, qui habeva acceptate un position in le facultate al Universitate Columbia, dimissionate se abruptemente como le Director de Recerca de IALA al fin de octobre 1948, e Alexander Gode ha reassumite le direction del personal, ben que nulle annunciamento del cambio esseva facite fin a le sequente januario." Ille addeva un apostilla a isto: "Le IALA non voleva acciper le demandas de salaria de Martinét. Cf. le 25 de septembre, 1948 memorandum de Lawrence Morris, Tresorero de IALA [a Martinét]: 'Nos crede que tu es sub un concepto erronee in pensar que tu salaria del International Auxiliary Language Association debe esser identic con tu salaria del Universitate Columbia. Il ha nulle precedentia in iste pais pro tu conception que le rata de pagamento pro le labor que un homine selectiona a interprender in addition a su debitos del universitate debe esser le mesme como lo que ille es pagate per le universitate.'" "A le 29 octobre 1948 Martinét ancora se signava como le Director de Recerca in un memorandum a Alice V. Morris; a le 12 de novembre, Lawrence Morris inviava un recognoscentia del dimission de Martinet, que ha essite datate le 30 de octobre 1948. Pro un multo differente interpretation de iste evenimentos, vide Martinét 1952:164." ------- Stan Mulaik