Secundo Radio National de Svedia in le demonstration in London le fin de septimana passate un demi-million de demonstrandes marchava in London in protesta contra le eventual guerra contra Irak. Un commentator constatava que durante que Jacques Chirac e Gerhardt Schröder es conforme con le opinion public in su paises, Tony Blair vade contra le opinion public in su pais. Commentatores face anque comparationes con le attitude del Statos Unite verso Korea Nord que es ben assi provocative como Irak. Inter le politicos il ha divergente opiniones. Le majoritate es pro un eventual guerra si illo es conducite in le cadro del UN, ma contra si il es solo un cosa pro le Statos Unite. Isto significarea le collapso del ordine del mundo usque nunc e le annihilation del UN que es le sol commun organo international del qual nos dispone, ubi omne paises es membros. Contra le guerra es istes qui es del opinion que USA vole attaccar Irak solo pro le petroleo. On face recordar le parolas de G Bush senior qui dicev a qual cosa de "Si Kuwait esserea broccolicolas nos non esserea concernite." On espera que le inspectores de armas del Unite Nationes potera finalisar lor carga e que Saddam Husein comprendera que lo optime que ille pote facer pro su populo es demissionar se. Kjell R