Missiles portabile que pote attaccar aviones de passageros commercial costa in iste momento solmente US$62.000,00, secundo un articulo in le "Los Angeles Times" (6 martio 2003, p. A1). In un conversation de telephono, un ancian functionario militar statounitese qui nunc travalia in le industria de armas verificava in un conversation telephonic con un venditor de armas in le Europa oriental que missiles portabile russe SAMS (nunc cognoscite como "Iglas" [agulias]) nunc se vende a iste precio a agentes de governamentos "legitime". Ma le functionario militar american diceva que le venditor con que ille habeva parlate venderea iste missiles a ulle persona a cambio de un precio sufficientemente alte. "Iste homine", diceva le militar american, "mesmo venderea su matre al prostitution si le precio esseva assatis alte." Isto significa que pro un precio multo economic (forsan US$250.000,00 al membros de Al Qaeda o lor successores), un gruppo parvissime de guerrilleros poterea causar disruptiones multo serie in nostre sol systema de transporto international usante aviones de passageros. Ante le epocha del avion, le paquebot esseva le sol vehiculo de transporte interoceanic. On poteva facer lo naufragar solmente con multo plus costose submarinos e torpedos. Io crede que il es ben probabile que si le Statos Unite invadera Iraq, il non habera ulle securitate in le systema de transporte aeree de passageros international. __________________________________________________ Do you Yahoo!? Yahoo! Tax Center - forms, calculators, tips, more http://taxes.yahoo.com/