Mariano Echeverria Braga me inviava un message electronic desde Merida, Yucatan, Mexico indicante que ille vole un copia de mi curso quando io lo habera finite. Io ha photocopiate su message, e io va archivar su adresse. In mi responsa a ille, io diceva que io nunc travalia sur le version anglese del quarte parte del curso--quasi le medietate!--e que post preparar omne le versiones anglese io va imprimer omne le curso de maniera que io potera perleger omne su documentos e continuar le processo de redaction. Mi travalio continua con multe pauc difficultates, e io crede que in unes 4-6 septimanas le curso essera preste pro distribution. Si vos vole un copia de illo sur un dischetto, invia me un message electronic a <[log in to unmask]>. Il es probabile--ma non certe!--que io recipera vostre message e imprimera vostre adresse pro uso quando io distribuera le curso. Me place multissimo que Mariano vole un copia del curso. Io spera que post reciper e studiar lo, ille tunc preparara un version de illo inter interlingua e espaniol pro eventual distribution gratis trans le rete. Si altere interlinguistas anque facera isto, le utilitate de interlingua como lingua ponte devenira de plus in plus obvie a crescente numeros de personas. (E studentes de iste linguas ethnic anque habera un nove ressource utilissime que les adjuvara in lor proprie studios de iste linguas!) Avanti con interlingua! __________________________________________________ Do you Yahoo!? The New Yahoo! Search - Faster. Easier. Bingo http://search.yahoo.com