d[030414] x[Kiviaho Allan] z[KivA-34Dgg] s[UMI-XVI-2003. Conferentia international del UMI] [log in to unmask] [log in to unmask] [log in to unmask] [log in to unmask] Estimate interlinguistas! Deman, le 2003-04-15 es le ultime die official pro inscriber como participante al UMI-XVI-2003, le 16e conferentia international del UMI. Io suppone que le inscription es - forsan - possibile etiam plus tarde si on ancora ha spatio in le hotel a Lovetch/Slivek. In iste dies del conflictos international Bulgaria es un del plus secure paises in le mundo, illo es un membro del OTAN e tosto etiam del Union Europee. ------------------------------------------------------ Un interlinguista ha scribite: "Le recente assassinamento del premier serbe Zoran Djindjic jecta un nove motivo de preoccupation pro le localisation del proxime conferentia del UMI in Bulgaria." - - - - - - - - - - - - - - - - - - - - - - - - - - - Occurrentias e instabilitate politic in SIC (Srbija i Crna Gora - SIC transit gloria Iugoslaviae) ha absolutemente nihil de facer con Bulgaria! -- Allan Kiviaho - - - - - - - - - - - - - - - - - - - - - - - - - - - Equalmente pauc influe le crise de Irak al securitate internal de Bulgaria. Turchia non es directemente involvite e Turchia e Bulgaria son alliatos per le OTAN e in ultra illes ha jungite un alliantia militar bilateral. Mesmo le americanos pote sentir se essente in securitate in Bulgaria - Bulgaria es un membro del COW (Coalition of Willing) ... -- Allan K. ------------------------------------------------------ Bulgaria ha un vetule e alte cultura. Durante le conferentia nos va attender un concerto del plus alte nivello del musica ecclesial e folkloristic bulgare. Etiam le excursiones a Veliko Tarnovo e Pleven va esser exceptionalmente interessante. Veliko Tarnovo es le capital medieval de Bulgaria. Marechal Helmut von Moltke (un del plus grande generales in le historia militar mundial) scribeva in 1840s quando ille serviva in rango de major como consiliero militar del armea de Turchia que "Veliko Tarnovo es le plus pittoresque citate que io unquam ha vidite". Pleven es le loco del epic battalia decisive in le guerra Russia - Turchia 1877-78, le plus grande guerra in le mundo durante le ultime quarto del 20e seculo. Nos va visitar le panorama del battalia, un experientia le plus astonante (qui ha visitate le famose "Panorama de Bourbaki" in Lucerne, Suissa?). Assi: INSCRIBE TE! ... INSCRIBE TE!! ... INSCRIBE TE!!! ... A REVIDER IN BULGARIA, IN ISTE BELLE E MYTHIC PAIS MERAVILIOSE QUE HA ANCORA UN ETATE DE 1320 ANNOS! UN PAIS DE ANCIAN THRACOS (SPARTACUS ERA UN THRACHIANO), BOLGAROS (UN NATION DE CAVALLEROS FURIOSE EX VOLGA) E LE SLAVOS DEL SUD, LE MATRE DEL ECCLESIA E CULTURA ORTHODOXE SLAVONIC! IO HA CON MI FAMILIA VISITATE BULGARIA PLUS QUAM 10 VICES, ASSI IO POTE SCRIBER EX EXPERIENTIA. Allan Kiviaho ============================================= Kiviaho Allan SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua Kivimäentie 16 E. FIN-01620 VANTAA. Finlandia [log in to unmask] http://www.kolumbus.fi/allkiv http://www.interlingua.dk/2001.htm http://www.interlingua.com Tel. + 358 - 09 - 898 720 GSM + 358 - 050 - 3616 759 ============================================= P.S. Vide, si il vos place, le sequente paginas in Internet (illos son tentative e inofficial, omne ligamines forsan non functiona etc.): http://www.kolumbus.fi/allkiv/gbul/umixvi.htm http://www.kolumbus.fi/allkiv/gbul/gf7778.htm http://www.kolumbus.fi/allkiv/gbul/gfehrnr.htm http://www.kolumbus.fi/allkiv/iafiup.htm http://www.kolumbus.fi/allkiv/iafiupa.htm http://www.kolumbus.fi/allkiv/iafiupi.htm